«Qazir azamattardy koronavırýsqa qatysty jedel ári senimdi málimettermen aqparattandyrý eń mańyzdy másele. Keı ýaqytta qoǵamdy aqparattandyrý men qarym-qatynastyń jetkilikti dárejede tıimdi bolmaı jatqanyn moıyndaý kerek. Túrli aqparat quraldary, ásirese messendjerler arqyly jalǵan aqparattyń taralýy kóptegen qıyndyqtar týyndatýda» dep jazdy D.Abaev.
Osy oraıda, Aqparat jáne qoǵamdyq damý mınıstri www.coronavirus2020.kz saıtynyń iske qosylǵanyn habarlady.
Bul resýrsta tótenshe jaǵdaı boıynsha, karantın kezindegi tártip pen memlekettiń koronavırýsqa qarsy jasap jatqan sharalary jóninde, sondaı-aq, jelide taraǵan jalǵan málimetterdi teriske shyǵarý jáne t.b. barlyq ózekti aqparattar jınaqtalady.
Oǵan qosa, saıtta aýrýdyń aldyn alý, belgileri, aýrýdyń alǵashqy belgileri baıqalǵanda jasaý kerek áreketterdiń erejeleri jarııalanǵan jáne bul málimetter azamattar paıdalanyp, taratý úshin ınfografıka, nusqaýlyqtar túrinde berilgen.
«Azamattar úshin saıtta arnaıy suraq-jaýap aıdary bolady, ol jerde árbir paıdalanýshy ózine qajetti saýalyna jaýap ala alady. Sizderden osy málimetti taratýdy jáne senimdi aqparat kózderine ǵana júginýdi suraımyn» delingen habarlamada.
