2013 jylǵy 17 sáýir, Astana, Úkimet Úıi
Aqparattyq júıelerdegi jeke tulǵa týraly málimetterdi sáıkes keltirý qaǵıdalaryn bekitý týraly
«Balaly otbasylarǵa beriletin memlekettik járdemaqylar týraly» 2005 jylǵy 28 maýsymdaǵy Qazaqstan Respýblıkasy Zańynyń 5-babyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Aqparattyq júıelerdegi jeke tulǵa týraly málimetterdi sáıkes keltirý qaǵıdalary bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy «17» sáýirdegi №372 qaýlysymen bekitilgen
Aqparattyq júıelerdegi jeke tulǵa týraly málimetterdi sáıkes keltirý qaǵıdalary
1. Jalpy erejeler
1. Osy Aqparattyq júıelerdegi jeke tulǵa týraly málimetterdi sáıkes keltirý qaǵıdalary (budan ári – Qaǵıdalar) «Balaly otbasylarǵa beriletin memlekettik járdemaqylar týraly» 2005 jylǵy 28 maýsymdaǵy Qazaqstan Respýblıkasynyń Zańyna sáıkes ázirlendi, aqparattyq júıelerdegi jeke tulǵa týraly málimetterdi sáıkes keltirý tártibi men merzimderin aıqyndaıdy.
2. Osy Qaǵıdalarda mynadaı negizgi uǵymdar paıdalanylady:
1) aqparattyq júıe – apparatty-baǵdarlamalyq keshendi qoldana otyryp, aqparatty saqtaýǵa, óńdeýge, izdestirýge, taratýǵa, berýge jáne usynýǵa arnalǵan júıe;
2) aqparattyq júıeniń operatory – jeke tulǵa (ótinish berýshi) týraly málimetterdi jınaýdy, óńdeýdi jáne qorǵaýdy júzege asyratyn memlekettik organdar, zańdy tulǵalar;
3) balalarǵa arnalǵan járdemaqyny taǵaıyndaý jáne tóleý jónindegi ýákiletti organ – respýblıkalyq mańyzy bar qalanyń, astananyń, aýdannyń (oblystyq mańyzy bar qalanyń) jergilikti atqarýshy organy;
4) qujattyń elektrondyq kóshirmesi – ótinish berýshiniń nemese osy qujatty kýálandyrý ókilettigine ıe adamnyń ne memlekettik qyzmet kórsetýdi alýshynyń óziniń jeke qatysýy kezinde bergen jazbasha kelisimi negizinde halyqqa qyzmet kórsetý ortalyǵynyń ýákiletti qyzmetkeriniń elektrondyq sıfrlyq qoltańbasymen kýálandyrylǵan, túpnusqa qujattyń túrin jáne ondaǵy aqparatty (derekterdi) elektrondyq-sıfrlyq nysanda tolyǵymen kórsetetin qujat;
5) jeke tulǵa (budan ári – ótinish berýshi) – járdemaqy (bala týǵanda beriletin járdemaqy, bala kútimi jónindegi járdemaqy nemese balalarǵa arnalǵan járdemaqy) taǵaıyndaý úshin otbasynyń atynan ótinish beretin adam;
6) ýákiletti uıymnyń bólimshesi (budan ári – ortalyq bólimshesi) - Qazaqstan Respýblıkasy Úkimetiniń sheshimimen qurylǵan respýblıkalyq memlekettik qazynalyq kásiporynnyń qalalyq, aýdandyq bólimsheleri;
7) Halyqqa qyzmet kórsetý ortalyǵy (budan ári – HQO) – jeke jáne (nemese) zańdy tulǵalarǵa «jalǵyz tereze» qaǵıdaty boıynsha ótinishterdi qabyldaý jáne qujattardy berý jóninde memlekettik qyzmetterdiń kórsetilýin uıymdastyrýdy júzege asyratyn respýblıkalyq memlekettik kásiporyn.
3. Aqparattyq júıelerdegi jeke tulǵa týraly málimetterdi sáıkes keltirý úshin negiz ortalyq bólimshesiniń nemese HQO-nyń ne balalarǵa arnalǵan járdemaqyny taǵaıyndaý men tóleý jónindegi ýákiletti uıymnyń aqparattyq júıelerdegi jeke tulǵa týraly joq málimetterdi sáıkes keltirý jónindegi aqparattyq júıeniń operatoryna suraý salýy bolyp tabylady.
2. Aqparattyq júıelerdegi jeke tulǵa týraly málimetterdi sáıkes keltirý tártibi men merzimderi
4. Aqparattyq júıelerde ótinish berýshi týraly suratylatyn málimetterdiń joq ekenin rastaıtyn elektrondyq qujattardy aqparattyq júıeniń operatorynan alǵan jaǵdaıda ótinish berýshi júgingen kúni suraý salýdy júzege asyrǵan ortalyq bólimshesi nemese HQO ne balalarǵa arnalǵan járdemaqyny taǵaıyndaý jáne berý jónindegi ýákiletti organ aqparattyq júıelerdegi ótinish berýshi týraly málimetterdi sáıkes keltirý úshin osy Qaǵıdalardyń 5-tarmaǵynda kórsetilgen qujattardyń túpnusqasyn usyný qajettigi týraly ótinish berýshini habardar etedi.
Habarlama ortalyq bólimshesiniń nemese HQO-nyń ne balalarǵa arnalǵan járdemaqyny taǵaıyndaý jáne tóleý jónindegi ýákiletti organnyń ýákiletti tulǵasynyń elektrondyq sıfrlyq qoltańbasymen (budan ári – ESQ) kýálandyrylǵan elektrondyq qujat túrinde osy Qaǵıdalarǵa 1-qosymshada belgilengen nysan boıynsha beriledi.
5. Aqparattyq júıelerdegi málimetterdi sáıkes keltirý úshin ótinish berýshi habarlamany alǵan sátten bastap úsh jumys kúni ishinde ortalyq bólimshesine nemese HQO-ǵa ne balalarǵa arnalǵan járdemaqyny taǵaıy
ndaý jáne tóleý jónindegi ýákiletti organǵa osy Qaǵıdalarǵa 2-qosymshada belgilengen nysan boıynsha ótinishti jáne myna qujattardyń túpnusqalaryn:
1) ótinish berýshiniń jeke basyn kýálandyratyn qujatty (Qazaqstan Respýblıkasy azamatynyń jeke kýáligi nemese oralmandar úshin Qazaqstan Respýblıkasynda shetel azamattarynyń turýǵa yqtııarhaty), al tulǵanyń ókili – ókildiń jeke basyn jáne ókilettigin kýálandyratyn qujattardy;
2) aqparattyq júıelerdegi ótinish berýshi týraly joq málimetterdi qamtıtyn qujatty usynady.
О́tinish berýshi júgingen kúni ótinish resimdeledi jáne tirkeledi.
Osy tarmaqtyń 1) jáne 2) tarmaqshalarynda kórsetilgen qujattyń bolmaýy ótinishti tirkeýden bas tartý úshin negiz bolyp tabylady.
6. Aqparattyq júıelerdiń operatory aqparattyq júıelerde ótinish berýshi týraly suratylǵan málimetterdiń joq ekenin rastaıtyn elektrondyq qujattardy usynǵan jaǵdaıda balalarǵa arnalǵan járdemaqyny taǵaıyndaý jáne tóleý jónindegi suraý salýdy júzege asyrǵan ýákiletti organ qujattardy alǵan kúni kent, aýyl, aýyldyq okrýg ákimine habarlaıdy jáne ol arqyly ótinish berýshige osy Qaǵıdalarǵa 3-qosymshada belgilengen nysan boıynsha aqparattyq júıelerdegi ol týraly málimetterdi sáıkes keltirýge ótinish berýshiden jazbasha kelisim alý qajettiligi týraly habarlama jiberedi.
О́tinish berýshi habarlamany ótinish berýshige bergen sátten bastap úsh jumys kúni ishinde osy Qaǵıdalarǵa 4-qosymshada belgilengen nysan boıynsha oǵan buryn usynylǵan qujattardyń kóshirmeleri negizinde aqparattyq júıelerdegi málimetterdi sáıkes keltirýge jazbasha kelisimin kent, aýyl, aýyldyq okrýgtiń ákimi arqyly balalarǵa arnalǵan járdemaqyny taǵaıyndaý jáne tóleý jónindegi ýákiletti organǵa beredi.
7. Ortalyq bólimshesiniń nemese HQO-nyń ne balalarǵa arnalǵan járdemaqyny taǵaıyndaý jáne tóleý jónindegi ýákiletti organnyń ýákiletti adamy ótinish berýshiden ótinishti jáne qujattardyń túpnusqalaryn qabyldaǵan kúni qujattardyń elektrondyq kóshirmelerin jasaıdy jáne qujattardyń túpnusqalaryn ótinish berýshige qaıtarady, sodan keıin mynadaı is-qımyldardy júzege asyrady:
1) aqparattyq júıeniń operatoryna osy Qaǵıdalarǵa 5-qosymshada belgilengen nysan boıynsha elektrondyq qujat túrinde ortalyq bólimshesiniń nemese HQO-nyń ne balalarǵa arnalǵan járdemaqyny taǵaıyndaý jáne tóleý jónindegi ýákiletti organnyń ýákiletti adamynyń ESQ-symen kýálandyrylǵan qujattardyń elektrondyq kóshirmeleri bekitilgen suraý salýdy jiberedi;
2) aqparattyq júıelerdegi jeke tulǵa týraly málimetterdi sáıkes keltirý úshin ótinishti jáne qujattardy qabyldaý týraly qolhatty ótinish berýshige beredi.
Balalarǵa arnalǵan járdemaqyny taǵaıyndaý jáne tóleý jónindegi ýákiletti organ kent, aýyl, aýyldyq okrýgtiń ákimi arqyly ótinish berýshiden alǵan aqparattyq júıelerdegi málimetterdi sáıkes keltirýge jazbasha kelisimdi qabyldaǵan kúni balalarǵa arnalǵan járdemaqyny taǵaıyndaý jáne tóleý jónindegi ýákiletti organnyń ýákiletti adamy mynadaı is-qımyldardy júzege asyrady:
1) aqparattyq júıeniń operatoryna osy Qaǵıdalarǵa 5-qosymshada belgilengen nysan boıynsha elektrondyq qujat túrinde balalarǵa arnalǵan járdemaqyny taǵaıyndaý jáne tóleý jónindegi ýákiletti organnyń ýákiletti adamynyń ESQ-symen kýálandyrylǵan qujattardyń elektrondyq kóshirmeleri bekitilgen suraý salýdy jiberedi;
2) ótinish berýshige aqparattyq júıelerdegi ózi týraly málimetterdi sáıkes keltirýge onyń jazbasha kelisimin alý týraly qolhatty kent, aýyl, aýyldyq okrýgtiń ákimi arqyly jiberedi.
8. Aqparattyq júıeniń operatory ortalyq bólimshesinen nemese HQO-dan ne balalarǵa arnalǵan járdemaqyny taǵaıyndaý jáne tóleý jónindegi ýákiletti organnan suraý salýdy alǵan sátten bastap bes jumys kúni ishinde suraý salýdaǵy jáne muraǵattyq qujattardaǵy jeke tulǵa týraly málimetterdiń aqparattyq júıelerdegi jeke tulǵa týraly málimettermen sáıkestigin tekseredi, sodan keıin aqparattyq júıeniń operatory mynadaı is-qımyldardy júzege asyrady jáne olardy tekserýdiń nátıjesi boıynsha ortalyq bólimshesine nemese HQO-ǵa ne balalarǵa arnalǵan járdemaqyny taǵaıyndaý jáne tóleý jónindegi ýákiletti organǵa habarlamany joldaıdy:
1) suraý salýda kórsetilgen faktiler rastalǵan kezde aqparattyq júıelerge tıisti ózgerister jáne (nemese) tolyqtyrýlar engizedi, sodan keıin ortalyq bólimshesine nemese HQO-ǵa ne balalarǵa arnalǵan járdemaqyny taǵaıyndaý jáne tóleý jónindegi ýákiletti organǵa osy Qaǵıdalarǵa 6-qosymshada belgilengen nysan boıynsha aqparattyq júıe operatorynyń ýákiletti adamynyń ESQ-sym
