О́z sózinde O.Bekeev el Prezıdenti Qasym-Jomart Kemeluly Toqaevtyń ishki ister organdarynyń aldyna qoıǵan negizgi tapsyrmalaryna, ıaǵnı quqyq buzýshylyqtarǵa jol bermeý, azamattardyń quqyqtaryn qorǵaýdy qamtamasyz etý jáne polısııanyń qoǵammen ózara is-qımyl jasaýynyń tıimdiligine basa kóńil bóldi.
O.Bekeev 2019 jyly atqarylǵan jedel-qyzmettik jumystyń qorytyndysymen tanystyrdy.
«Búgingi kúni Departament qyzmetkerleri búkil respýblıka boıynsha kóliktegi quqyqtyq tártipti qamtamasyz etedi. Respýblıka aýmaǵynda 18 áýejaı, 1047 temirjol stansııalary jáne 305 temir jol vokzaldary ornalasqan», dedi Ońal Botaıuly.
Kólik polıseıleri byltyr temirjol kóligi arqyly júrgen 20,5 mln jolaýshynyń jáne áýe kóligin qoldanǵan 15 mln jolaýshynyń qaýipsizdigin qamtamasyz etti.
2019 jyly barlyǵy eki myńnan astam quqyq buzýshylyqtar tirkeldi. Jalpy qylmystardy ashý 72,9%-dy qurady.
«Qoǵamnyń qoldaý kórsetýi biz úshin asa mańyzdy, sebebi qoǵammen ózara is-qımyl jasaý halyqtyń polısııaǵa degen senimin arttyrady, azamattarǵa ózderiniń qaýipsizdigin qamtamasyz etýge úlesterin qosýǵa múmkindik beredi» - dep atap kórsetti O.Bekeev.
O. Bekeev jazataıym oqıǵalardy boldyrmaý úshin Kóliktegi PD men onyń jelilik bólimderindegi qyzmetkerleri temirjol jaraqatynyń aldyn alý boıynsha profılaktıkalyq is-sharalardy udaıy júrgizip kele jatqanyna toqtaldy. О́kinishke qaraı, júrgizilgen profılaktıkalyq jumystarǵa qaramastan azamattar temirjol kóligi qozǵalysynyń qaýipsizdigi erejelerin jıi buzady.
Máselen, ótken jyly temirjol tóseminiń belgilenbegen jerlerinen ótken 25293 azamat ákimshilik jaýapkerlikke tartyldy. Sondaı-aq poezdardy shuǵyl tejeýdiń 2505 faktisi tirkeldi.
O. Bekeev eresekter men balalardy jeke qaýipsizdik erejelerin múltiksiz saqtaýǵa shaqyrdy. Ári temir joldar arqyly júrip ótýge belgilengen jáne jabdyqtalǵan oryndarda, jaıaý júrginshiler ótkelderi, kópirler men temir jol ótkelderi boıynsha ǵana jol beriletinin kópshiliktiń esine saldy.
Lıazzat Baqashqyzy
