2013 jylǵy 29 sáýir, Astana, Úkimet Úıi
Kásiptik standarttardy ázirleýge 2013 jylǵa qarajat bólý jáne ony paıdalaný qaǵıdalaryn bekitý týraly
«2013 – 2015 jyldarǵa arnalǵan respýblıkalyq bıýdjet týraly» 2012 jylǵy 23 qarashadaǵy Qazaqstan Respýblıkasynyń Zańyn jáne «2013 – 2015 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyn iske asyrý týraly» Qazaqstan Respýblıkasy Úkimetiniń 2012 jylǵy 30 qarashadaǵy №1520 qaýlysyn iske asyrý maqsatynda Qazaqstan Respýblıkasynyń Úkimeti qaýly etedi:
1. Qosa berilip otyrǵan:
1) kásiptik standarttardy ázirleýge 2013 jylǵa qarajat bólý;
2) Kásiptik standarttardy ázirleýge 2013 jylǵa bólinetin qarajatty paıdalaný qaǵıdalary bekitilsin.
2. Ortalyq memlekettik organdar toqsan saıyn, esepti aıdan keıingi aıdyń 5-kúnine deıin Qazaqstan Respýblıkasy Eńbek jáne halyqty áleýmettik qorǵaý mınıstrligine kásiptik standarttardy ázirleý barysy týraly esepter bersin.
3. Qazaqstan Respýblıkasy Eńbek jáne halyqty áleýmettik qorǵaý mınıstrligi jarty jylda bir ret, esepti aıdan keıingi aıdyń 10-kúnine qaraı Qazaqstan Respýblıkasynyń Úkimetine kásiptik standarttardy ázirleý barysy týraly aqparat usynsyn.
4. Osy qaýly 2013 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 29 sáýirdegi №406 qaýlysymen bekitilgen
Kásiptik standarttardy ázirleýge 2013 jylǵa bólinetin qarajatty paıdalaný qaǵıdalary
1. Jalpy erejeler
1. Osy Kásiptik standarttardy ázirleýge 2013 jylǵa bólinetin qarajatty paıdalaný qaǵıdalary (budan ári – Qaǵıdalar) «2013 – 2015 jyldarǵa arnalǵan respýblıkalyq bıýdjet týraly» 2012 jylǵy 23 qarashadaǵy Qazaqstan Respýblıkasynyń Zańyn jáne «2013 – 2015 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyn iske asyrý týraly» Qazaqstan Respýblıkasy Úkimetiniń 2012 jylǵy 30 qarashadaǵy №1520 qaýlysyn iske asyrý maqsatynda ázirlendi.
2. Osy Qaǵıdalarda mynadaı uǵymdar paıdalanylady:
1) kásiptik standart – kásiptik qyzmettiń naqty salasynda biliktilik deńgeıine jáne quzyrettilikke, eńbek mazmunyna, sapasyna jáne jaǵdaılaryna qoıylatyn talaptardy aıqyndaıtyn standart;
2) respýblıkalyq bıýdjettik baǵdarlamalardyń ákimshileri – bilim berý jáne ǵylym, aýyl sharýashylyǵy, ındýstrııa jáne jańa tehnologııalar, kólik jáne kommýnıkasııa, mádenıet jáne aqparat, densaýlyq saqtaý, sport jáne dene shynyqtyrý, ekonomıka jáne bıýdjettik josparlaý, tótenshe jaǵdaılar, óńirlik damý, ǵarysh qyzmeti, statıstıka, eńbek jáne halyqty áleýmettik qorǵaý salasynda kásiptik standarttardy ázirleý sheńberinde iske asyrylatyn is-sharalardy qarjylandyrýdy júzege asyratyn ortalyq ýákiletti organdar.
3. Kásiptik standarttardy ázirleýge baǵyttalǵan is-sharalardy qarjylandyrý bıýdjet zańnamasyna sáıkes júrgiziledi.
2. Kásiptik standarttardy ázirleýge respýblıkalyq bıýdjettik baǵdarlamalar ákimshiler bóletin qarajatty paıdalaný tártibi
4. Respýblıkalyq bıýdjettik baǵdarlamalardyń ákimshileri kásiptik standarttyń qurylymyna jáne Qazaqstan Respýblıkasy Eńbek jáne halyqty áleýmettik qorǵaý mınıstri mindetin atqarýshynyń 2012 jylǵy 24 qyrkúıektegi №374-ó-m buıryǵymen bekitilgen Kásibı standarttardy ázirleý, qaıta qaraý, synaqtan ótkizý qaǵıdasyna sáıkes kásiptik standarttardy ázirleýdi qamtamasyz etedi.
5. Respýblıkalyq bıýdjettik baǵdarlamalardyń ákimshileri kásiptik standarttardy ázirleý kezinde kásiptik qyzmettiń mazmunyna qoıylatyn biryńǵaı talaptardy ázirleýdi, eńbek naryǵynyń qazirgi zamanǵy qajettilikterine jaýap beretin biliktilik talaptaryn jańartýdy qamtamasyz etedi.
6. Kásiptik standarttardy ázirleýge 2013 jylǵa kózdelgen qarajatty bólý jáne paıdalaný bıýdjet zańnamasyna sáıkes júzege asyrylady.
7. Respýblıkalyq bıýdjettik baǵdarlamalar ákimshileriniń kásiptik standarttardy ázirleýge arnalǵan qyzmetterdi satyp alýy memlekettik satyp alý týraly zańnamaǵa sáıkes júzege asyrylady.
8. Respýblıkalyq bıýdjettik baǵdarlamalardyń ákimshileri usynatyn kásiptik standarttardy ázirleý barysy týraly esepter mynadaı:
1) is-sharalardyń naqty oryndalýy týraly (nátıjelerge qol jetkizý satylary);
2) nátıjelerge qol jetkizbeý sebepteri týraly;
3) bólingen qarajattyń ıgerilýi týraly aqparatty qamtýy tıis.
Qazaqstan Respýblıkasy Úkimetiniń
2013 jylǵy 29 sáýirdegi №406 qaýlysymen bekitilgen
Kásiptik standar
ttardy ázirleýge 2013 jylǵa qarajat bólý
R/s
№ Is-sharalar ataýy Jaýapty memlekettik organdar Sany Somasy, myń teńge
1 2 3 4 5
1 Kásiptik standarttardy ázirleý IJTM 35 36700
2 Kásiptik standarttardy ázirleý TJM 5 5250
3 Kásiptik standarttardy ázirleý AShM 26 27300
4 Kásiptik standarttardy ázirleý О́DM 8 8400
5 Kásiptik standarttardy ázirleý KKM 31 32550
6 Kásiptik standarttardy ázirleý Eńbekmıni 19 23400
7 Kásiptik standarttardy ázirleý BǴM 10 10500
8 Kásiptik standarttardy ázirleý DSM 25 26250
9 Kásiptik standarttardy ázirleý MAM 5 5250
10 Kásiptik standarttardy ázirleý SDShIA 1 1050
11 Kásiptik standarttardy ázirleý EBJM 1 1050
12 Kásiptik standarttardy ázirleý UǴA 4 4200
13 Kásiptik standarttardy ázirleý IIM 5 5250
14 Kásiptik standarttardy ázirleý SA 1 1050
15 BARLYǴY: 176 188200
Eskertpe: abbrevıatýralardyń tolyq jazylýy:
IJTM – Qazaqstan Respýblıkasy Indýstrııa jáne jańa tehnologııalar
mınıstrligi
TJM – Qazaqstan Respýblıkasy Tótenshe jaǵdaılar mınıstrligi
ATTTM – Qazaqstan Respýblıkasy Aýyl sharýashylyǵy mınıstrligi
О́DM – Qazaqstan Respýblıkasy О́ńirlik damý mınıstrligi
KKM – Qazaqstan Respýblıkasy Kólik jáne kommýnıkasııa mınıstrligi
Eńbekmıni – Qazaqstan Respýblıkasy Eńbek jáne halyqty áleýmettik qorǵaý mınıstrligi
BǴM – Qazaqstan Respýblıkasy Bilim jáne ǵylym mınıstrligi
DSM – Qazaqstan Respýblıkasy Densaýlyq saqtaý mınıstrligi
MAM – Qazaqstan Respýblıkasy Medenıet jáne aqparat mınıstrligi
SDShIA – Qazaqstan Respýblıkasy Sport jáne dene shynyqtyrý isteri
agenttigi
EBJM – Qazaqstan Respýblıkasy Ekonomıka jáne bıýdjettik josparlaý mınıstrligi
UǴA – Qazaqstan Respýblıkasy Ulttyq ǵarysh agenttigi
IIM – Qazaqstan Respýblıkasy Ishki ister mınıstrligi
SA – Qazaqstan Respýblıkasy Statıstıka agenttigi
