Qoǵam • 20 Naýryz, 2020

Sharýalarǵa 24 mlrd teńge bólindi

29 retkórsetildi

Agroónerkásip kesheni sýbektilerine «Keń Dala» baǵdarlamasy boıynsha kóktemgi dala jumystary jáne egin jınaý jumystaryn júrgizýge jeńildikpen nesıe rásimdeý múmkindigi berildi. Dıqandarǵa jalpy somasy 24 mlrd teńge kóleminde nesıe bólindi. Bul týraly «Atameken» Ulttyq kəsipkerler palatasy habarlady.

«Keń Dala» baǵdarlamasy boıynsha nesıe alýǵa eldiń bes óńirinen ótinimder túsip úlgerdi. Jaqyn arada qalǵan oblystar da belsendi qatysatyny kútilýde. Ulttyq bank bazalyq mólsherlemeni ósirgen ýaqytta sharýalar egin egý jáne astyq jınaý jumystaryn ýaqytynda bastaýǵa nebári jyldyq 5%-ben nesıeni paıdalana alady.

«Valıýta kýrsynyń qubylýy, mólsherlemelerdiń ósýi jáne koronavırýstyq ınfeksıasynyń pandemııasyna baılanysty ekonomıkada oryn alǵan kúrdeli kezeńge qaramastan Halyk Bank jáne Agrarlyq nesıe korporasııasy osy mańyzdy prosesti bastady. Birinshi kezekte otandyq aýyl sharýashylyǵy óndirýshilerine jáne agrarlyq salanyń damýyna qamqorlyq tanytý kózdelgen. Biz Agrarlyq nesıe korporasııasy basshylyǵyna tıimdi seriktestik jáne qarjylandyrý týraly máseleni jedel qaraǵany úshin alǵys bildiremiz», – dedi Halyk Bank  Basqarma tóraǵasynyń orynbasary Dáýren Sartaev.

Halyk Bank ótken jyldan bastap Agrarlyq nesıe korporasııasymen belsendi yntymaqtastyqty qolǵa aldy, nátıjesinde qarjy ınstıtýty aýyl sharýashylyǵy salasyna qaraı áleýetti baǵdarlaı aldy. Aıta ketelik, «Keń Dala» baǵdarlamasy sheńberinde kepilzattyq qamtamasyz etý boıynsha qatań talaptar joq. Sharýalarǵa jyldyq maýsymdylyqty esepke ala otyryp, qaryzdy tóleý boıynsha yńǵaıly sharttar qarastyrylǵan. Budan bólek, banktiń turaqty jáne senimdi klıentterine kepilzatty qamtamasyz etý qurylymynda jeńildikter jasaldy.

Osy rette 12 aıdan az merzimdi quraıtyn nesıeleýdiń qysqa merzimi aýyl sharýashylyǵy óndirýshilerine atalǵan arzan zaımdy qoldanýǵa múmkindik bermeı otyr. Qazirgi tańda sharýalardan nesıeleý merzimin bir jylǵa deıin uzartý boıynsha usynystar kelip jatyr. Aýyl sharýashylyǵy ónimine maýsymdyq baǵa konıýktýrasyn esepke ala otyryp, nesıeni 2020 jyldyń kókteminen 2021 jyldyń kóktemine deıingi aralyǵynda berý – dıqandarǵa qaryz aqshany anaǵurlym tıimdirek paıdalanýǵa múmkindik berer edi.

«Bank óziniń barlyq óńirlerdegi bólimsheleri arqyly óz klıentterine, sonyń ishinde aýyl sharýashylyǵynda jumys isteıtin kásipkerlerge servıstik qoldaýmen qamtamasyz etýdi jalǵastyrady. Klıentterdiń yńǵaıyna qaraı nesıelik mámilelerdi qashyqtyqtan onlaın-rásimdeýdi iske qostyq. Endi klıentterimizge keńselerimizge kelip, ótinim jasyp, qujattarǵa qol qoıýdyń qajeti joq», – dedi Halyk Bank Basqarma tóraǵasynyń orynbasary.

Qazirgi tańda álemdik naryqtardyń qubylmalylyǵy, jarııalanǵan tótenshe jaǵdaı jáne koronavırýstyq ınfeksııanyń karantıni jaǵdaıynda agrarlyq sektordyń – el ekonomıkasy men azyq-túlik qaýipsizdigi úshin erekshe mańyzdylyǵyn eskere otyryp, aýyl sharýashylyǵyn belsendi nesıeleý óte mańyzdy. Halyk Bank basshylyǵy memleket sharýalardy sýbsıdııalaý jáne qoldaýdyń qoldanystaǵy erejesin ózgertpeıdi dep senedi, bul shara olardyń naryqty aýyl sharýashylyǵy ónimderimen qamatamasyz etýmen baılanysty bıznes-mindettemelerin oryndaýǵa múmkindik beredi.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar