Korol saraıynda ótken senim gramotalardy tapsyrý rásimi barysynda taraptar óz memleketteriniń ekijaqty yntymaqtastyqty jan-jaqty damytý jáne tereńdetý nıetin rastady.
Qazaqstan Ońtústik-Shyǵys Azııa elderimen dostyq qarym-qatynastardy, ASEAN aımaǵynyń jańa ósip kele jatqan naryqtarymen saýda-ekonomıkalyq baılanystardy damytýǵa úlken mán beredi. Bul týraly Qazaqstan Prezıdenti Qasym-Jomart Toqaev birneshe ret atap ótken bolatyn. Qazaqstan sońǵy jyldary úzdik ekonomıkalyq damý dınamıkasyn kórsetetip otyrǵan Kambodjamen qarym-qatynasty jandandyrýǵa berik nıetti, - dep málimdedi Qazaqstan Elshisi aýdıensııa barysynda.
Kambodja Koroli Norodom Sıamonı Qazaqstannyń áleýmettik-ekonomıkalyq damýyndaǵy jetistikterin joǵary baǵalaı otyryp, Qazaqstan-Kambodja qarym-qatynasy údemeli túrde damıtyndyǵyna senim bildirdi. Kambodja monarhy Qazaqstan Prezıdenti Qasym-Jomart Toqaevqa qoshemet sálemin jetkizý týraly ótinish bildirip, Qazaqstan halqyna baq-bereke men órkendeý tiledi.
Ol sondaı-aq qazaqstandyq dıplomatqa Qazaqstan-Kambodja qarym-qatynastaryn nyǵaıtý baǵytynda tabysty jáne jemisti eńbek tiledi.
Sol kúni Erlan Baıjanov Kambodjanyń Syrtqy ister jáne halyqaralyq yntymaqtastyq mınıstriniń orynbasary Iet Sophıamen kezdesti.
Taraptar ekijaqty qarym-qatynastardyń aǵymdaǵy jaı-kúıi men damý perspektıvalaryn, sharttyq-quqyqtyq bazany nyǵaıtý qajettigin talqylap, saýda-ekonomıkalyq jáne mádenı-gýmanıtarlyq baılanystardy keńeıtý úshin áleýettiń bar ekenin atap kórsetti. Halyqaralyq arenada, sonyń ishinde, AО́SShK jáne «Azııa-Eýropa» forýmy sheńberinde eki eldiń ózara is-qımyly máselelerine erekshe nazar aýdaryldy.
