Aımaqtar • 20 Naýryz, 2020

Juqa muzdyń «jutyp» ketý qaýpi zor

32 retkórsetildi

Jumys kúniniń qysqarýy, demalystyń uzarýy balyqshylardy úıge otyrǵyzbaı, súıikti isterimen aınalysýǵa súıreleıdi. Biraq qazir ústi qystykúngideı kóringenimen sýdyń tolassyz erýinen muzdyń asty juqaryp barady. Soltústik Qazaqstanda sońǵy kúnderi kúndiz túgili túngi mezgildiń ózinde plıýstik temperatýra kórsetip tur. Bul muzdyń tolassyz erýi degen sóz. Al juqa muz qaı ýaqytta bolsyn qaýipti. Ol boıyna «bes qarýyn» asynyp, artynyp-tartynyp kelgen balyqshyny kótere almaýy múmkin.

Soltústik Qazaqstan PD tabıǵat qorǵaý bólimi men TJ qyzmetkerleri birlesip qazir sý qoımalaryna baryp, balyqshylarǵa muzdyń juqa ekenin eskertýde. «Nazar aýdaryńyzdar» degen taqtaıshalar da ilinip, muzdyń juqa ekenin habarlaýda. Balyqqa shyqqandar kóbinese toıǵa barǵandaı masaırap, qaltalaryna ashy sýly shynylaryn da salyp alady. Qaryndaryna ashy sýdyń ashyrtqysyn jetkizýge asyqqan ondaılar taqtaıdaǵy eskertpelerge qulaq asa qoımaıdy. Sondyqtan tártip saqshylary balyqshylar kóp baratyn sý qoımalaryna jıi shyǵýǵa májbúr bolýda.

Osyndaıda muz ústine shyǵatyn tehnıkalardyń júrýi qaýipti zoraıta túsedi. Ondaılardyń muz astyna ketý qateri qazir eselene túsken. Sondyqtan qazir tehnıkany qoldanýǵa múlde tıym salynýda. Tabıǵat qorǵaý polısııasynyń aǵa ınspektory Ashat Qojabaevtyń aıtýyna qaraǵanda qazir barlyq polısııa bólinisterine balyqqa shyǵýdyń qaýiptiligin halyqqa jetkizińder degen tapsyrma berilgen. Balyqshylarǵa osyndaı sharalar qoldanylyp jatsa ózenniń muzymen úıine tezirek, týra jetýge asyǵýshylar da azaıar emes. Polısııa ondaılardy da qaýipten saqtanýǵa tyrysyp jatyr.

«Jaý jaǵadan alǵanda ıt etekten tartady» demekshi koronovırýstyń qaýpi údep turǵanda kóktemgi kezeń osyndaı da qystalań týdyryp tur. Áıteýir, «saqtyqta qorlyq joq» degen halyq danalyǵyn eskergeni jón.

Soltústik Qazaqstan oblysy

Sońǵy jańalyqtar

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Uqsas jańalyqtar