Aǵymdaǵy jyldyń 20 naýryzyndaǵy jaǵdaı boıynsha Almatyda koronavırýstyq ınfeksııany juqtyrǵan 22 jaǵdaı tirkeldi. Barlyǵy zerthanalyq túrde rastaldy. Almaty qalasy aýmaǵyndaǵy epıdemıologııalyq tekserý nátıjeleri boıynsha COVID-2019-dyń 10 oshaǵy anyqtaldy:
– Almaly aýdany – 3;
– Medeý – 3;
– Túrksib – 2;
– Jetisý – 1;
– Alataý – 1.
Barlyq oshaqta indettiń odan ári taralýynyń aldyn alý maqsatynda epıdemııaǵa qarsy jáne profılaktıkalyq is-sharalar kúsheıtildi. Medısına qyzmetkerleri oshaq aımaǵynda ornalasqan barlyq tulǵalardyń jaǵdaıyna monıtorıng júrgizýde.
COVID-19 indetiniń tirkelgen oqıǵalaryna jáne ınfeksııanyń taralý sıpatyna qosymsha taldaý júrgizgennen keıin jáne epıdemıologtardyń qorytyndysyn negizge ala otyryp, oshaq aımaǵynyń shekarasy kóppáterli úıdiń kire berisine deıin jáne turǵyn úı aýmaǵyndaǵy jekemenshiktegi úıge deıin qysqartyldy. Osyǵan oraı úıler men páterlerdi kvartal boıynsha karantındeý boıynsha buǵan deıin qabyldanǵan sheshim kúshin joıady.
Jalpy ınfeksııa 1-1,5 metr qashyqta turǵan naýqas adamnyń sóıleýi, túshkirýi men jóteli arqyly beriledi. SOVID-2019 indetin juqtyrǵan adam otbasyndaǵy, jumystaǵy, qoǵamdyq kólikte, qonaqta jáne basqa da qoǵamdyq oryndarda aınalasyndaǵylardy tek tyǵyz baılanysta bolý arqyly juqtyrýy múmkin. COVID-2019 vırýsynyń qorshaǵan ortada tózimdiligi tómen bolǵandyqtan 1 saǵattan artyq ómir súre almaıdy. Sol sebepti COVID-2019 juqtyrǵan naýqaspen tyǵyz baılanys ornatpaǵan úıler men páterlerdi karantınge jabýdyń qajeti joq. Infeksııanyń taralýyn toqtatý boıynsha epıdemııaǵa qarsy sharalar tómendegideı:
– indetti juqtyrýshyny stasıonarǵa oqshaýlaý;
– naýqaspen baılanysta bolǵandy úı karantınine jabý;
– ınfeksııanyń berilý joly boıynsha árkim jeke gıgıenany saqtap, betperde kııýi qajet.
Oshaq aımaǵynda ornalasqan úılerdiń turǵyndary syrtqa tek qajettiligi boıynsha jáne medısına men polısııa qyzmetkeriniń birge baryp kelýimen jiberiledi. Barlyq azyq-túlik dúkenderi men dárihanalar kúsheıtilgen sanıtarlyq-epıdemıologııalyq jaǵdaıda jumysyn jalǵastyrýda. Sonymen qatar, aýdan ákimdikteri halyqtyń áleýmettik osal toptaryna kómek kórsetýde. Oshaq aımaǵynda ornalasqan turǵyndar arasynda túsindirý jumystary júrgizilýde.
Buǵan deıin Almaty qalasynyń Bas memlekettik sanıtarlyq dárigeriniń qaýlysymen koronavırýs oshaǵy aýmaǵyndaǵy tulǵalarǵa oqshaýlaý kezeńinde jumys oryndarynyń saqtalatyny týraly jáne aýrýhanalyq paraqtardy tóleý boıynsha usynystar berildi.
Sonymen qatar, aǵymdaǵy jyldyń 19 naýryzynda qalalyq shtab aýdan ákimderiniń, sanıtarlyq-epıdemıologııalyq jáne medısınalyq qyzmetter men kúsh qurylymdary, qalalyq qoǵamdyq densaýlyq, turǵyn úı, kásipkerlik, áleýmettik ál-aýqat jáne jasyl ekonomıka basqarmalary qyzmetkerleriniń qatysýymen koronavırýstyq ınfeksııanyń karantındik aımaǵyndaǵy is-qımyl algorıtmin oryndaý boıynsha nusqama ótkizgenin atap ótken jón.
Qala bıligi qala turǵyndarynan karantın rejımin saqtaýǵa, karantındik aımaqtyń ishinde júrýden aýlaq bolýǵa, jeke gıgıena sharalaryn saqtaýǵa, týystarymen, dostarymen jáne áriptesterimen jáne t.b. qarym-qatynasty shekteýdi suraıdy. Mundaǵy maqsat — adamnyń óziniń koronavırýstyq ınfeksııany juqtyrmaýǵa, týǵandary men jaqyndarynyń, aınalasyndaǵylardyń da juqtyrý qaýpin tómendetý. Qala ákimdigi, medısınalyq jáne sanıtarlyq-epıdemıologııalyq baqylaý qyzmetteri indettiń oshaq aýmaǵynan tys jerge taralyp ketpeýi úshin is-sharalar legin kúsheıtti.
О́z kezeginde, qalanyń árbir turǵynynyń bul jaǵdaıǵa túsinistikpen qarap, jaýapkershilik tanytqan jaǵdaıda indet juqtyrýshy tulǵalardy tez anyqtap, jedel túrde oqshaýlaýǵa múmkindik bar. Klınıkalyq sımptomdar paıda bolǵanda (dene qyzýynyń kóterilýi, qurǵaq ári uzaq jótel, álsizdik) ýchaskelik dárigerdi telefon arqyly úıge shaqyrý kerek nemese ózine jedel medısınalyq járdem dárigerin shaqyrý abzal. О́zin-ózi emdeýmen aınalyspaı, dárigerdiń taǵaıyndaǵan dárilerin qabyldaý kerek. Aldyn alý sharalaryn saqtaý úshin:
– úı-jaılardy kúnine keminde 2 ret jeldetý;
– kún saıyn úıdi jýyp, tazalaý;
– qoldy sabynmen jıi jýý;
– jeke ydys, jeke gıgıena quraldaryn (súlgi, tis pastasy, ustara aspaptary jáne t.b.) paıdalaný.
Koronavırýs juqtyrǵandarmen baılanysta bolǵandar:
– turǵylyqty mekeninde nemese jumys ornynda vırýs juqtyrýshymen sońǵy kezdesken ýaqyttan bastap ınkýbasııalyq kezeń boıyna (14 kún ) ózin-ózi oqshaýlaý rejımin qatań saqtaý (úı karantıni, syrtqa shyǵýǵa tyıym salynady) qajet
– januıa músheriniń densaýlyǵyn jiti baqylaýda ustaǵan durys
– JRVI (dene qyzýy, tumaý, jótel) belgileri baıqalǵan jaǵdaıda jedel járdem shaqyrýy tıis
Suraqtar boıynsha táýlik boıy qyzmet kórsetetin koll-sentr – 1406 jáne Open Almaty – 1308 nómirlerine habarlasýǵa bolady. Eger aýrýdyń asqynǵan belgileri anyqtalǵan jaǵdaıda jedel túrde 382-33-50 nómiri boıynsha qalanyń sanıtarlyq-epıdemıologııalyq qyzmetine habarlasa alasyzdar.
ALMATY
