Lıstıng bir mezette Gonkong bırjasynda júzege asyrylady. Shyǵarylym óteý merzimi 2022 jyldyń naýryz aıyna belgilengen jáne jyldyq syıaqy mólsherlemesi 2.95% bolatyn jalpy somasy 1 mlrd (63 mlrd teńgege jýyq) qytaılyq ıýanmen kórsetildi. Oblıgasııalar tek kásibı ınvestorlarǵa qoljetimdi. Túsken qarajat jergilikti ınfraqurylymdyq jobalar men Qazaqstandaǵy «Beldeý jáne Jol» bastamasynyń jobalaryn qarjylandyrýǵa jumsalady.
«CCB Astana Branch oblıgasııalarynyń lıstıngi – «Beldeý jáne Jol» jahandyq bastamasynyń aıasyndaǵy Qazaqstan-Qytaı qarjylyq yntymaqtastyǵynyń mańyzdy nátıjesi. Bul AHQO, Qazaqstan jáne Ortalyq Azııadaǵy ıýannyń esep aıyrysý naryǵyn odan ári damytýǵa yqpal etetin mańyzdy kezeń»,- dedi «Astana» halyqaralyq qarjy ortalyǵynyń Basqarýshysy Qaırat Kelimbetov.
AHQO 2013 jyly «Beldeý jáne Jol» bastamasy týraly alǵash ret aıtylǵan Qazaqstanda Qytaı ıýany úshin óńirlik esep aıyrysý ortalyǵy bolýdy kózdeıdi.
«AIX ıýanmen kórsetilgen alǵashqy oblıgasııanyń AIX-tegi lıstıngin quptaıdy, ol AIX-tegi «Beldeý jáne Jol» segmentiniń alǵashqy qarjy ónimi bolyp tabylady. Bul Qazaqstan ekonomıkasynyń damýyna jáne jańa jumys oryndaryn qurýǵa yqpal etetin «Beldeý jáne Jol» bastamasynyń jobalaryn qarjylandyrýdyń ınnovasııalyq úlgisi»,- dedi AIX Basqarma tóraǵasy Tım Bennett.
«China Construction Bank Corporation-nyń Ortalyq Azııadaǵy alǵashqy resmı ókildigi – Astanadaǵy fılıaly eki el arasyndaǵy strategııalyq yntymaqtastyq aıasynda ıýanmen alǵashqy oblıgasııany («Falcon» oblıgasııasy) sátti shyǵardy. CCB Astana fılıaly Qytaı Prezıdenti Sı Szınpınniń jáne Qazaqstan Prezıdenti Qasym-Jomart Toqaevtyń arasyndaǵy ekijaqty kelissózderiniń nátıjesinde qol qoıylǵan Qytaı men Qazaqstan arasyndaǵy ekijaqty valıýtalyq esep aıyrysýlardy damytý qaǵıdattaryn aıqyndalǵan kommıýnıke sheńberinde AHQO jáne AIX-pen jumys isteıtin bolady»,- dedi China Construction Bank Astana fılıalynyń prezıdenti Van Sonhýa.
AIX-tiń «Beldeý men Jol» segmenti oblıgasııalar, aksııalar men basqa da ónimderdi qosa alǵanda, baǵaly qaǵazdar lıstıngten ótip, ıýanmen saýdalanatyn esep aıyrysý ortalyǵynyń negizgi bóligi bolyp tabylady. AIX baǵaly qaǵazdardy ıýanmen ornalastyratyn ár túrli emıtentter sanynyń artýyn kútedi, bul AIX-tiń Ortalyq Azııa elderi úshin ıýanmen kórsetilgen baǵaly qaǵazdardyń lıstıngi men saýdasynyń negizgi ortalyǵy retinde qalyptasýyna yqpal etedi.
Esep aıyrysýlar úshin Qazaqstan Ulttyq Bankiniń lıstıng kúnindegi resmı baǵamy qoldanyldy.
