Jasandy ıntellektýaldyq jobalarmen aınalysatyn RADLogics kompanııasy ózderi oılap tapqan baǵdarlama COVID-19 vırýsyn kompıýterlik tomografııa saraptamalary negizinde anyqtaıtynyn aıtady. «Analız nátıjesiniń dáldigi óte joǵary dep senimmen aıta alamyz. Avtomattandyrylǵan júıe aýrýdy bastapqy satysynda anyqtap qana qoımaı, onyń ári qaraı qalaı órshıtinin, emdelýshi úshin qanshalyqty aýyr bolatynyn da boljaı alady» deıdi mamandar. Jańa jobany súzgiden ótkizý úshin Qytaı men Amerıkadaǵy 157 pasıenttiń syrqat tarıhy baǵdarlamaǵa engizilip, júıe báriniń dıagnozyn 98,2 paıyz dáldikpen durys anyqtaǵan.
Jańa ıntellektýaldyq kompıýterlik júıeni ári qaraı damytý jumystary jalǵasa beredi. Biraq qazirdiń ózinde ony koronavırýsty alǵashqy kezeńde anyqtaý úshin paıdalanýǵa bolatyn kórinedi.
Qymbat NURǴALI
