Prezıdentter Qazaqstan men Reseı úkimetteriniń belsendi baılanystaryn atap ótip, eki eldiń atqarýshy organdary is-áreketteriniń úılesimdiligin kúsheıtýge baılanysty ortaq pikir aıtty. Qasym-Jomart Toqaev Vladımır Pýtınge synama-júıesiniń 4 myń jıyntyǵyn bergeni úshin rızashylyǵyn bildirdi. Reseı Prezıdenti óndiristiń ulǵaıý múmkindigine qaraı gýmanıtarlyq kómek retinde beriletin synama-júıesiniń jıyntyqtar sanyn arttyra túsetinin jetkizdi.
Qasym-Jomart Toqaev Vladımır Pýtınge Reseı arqyly keletin jáne shekaralyq aımaqtaǵy Qazaqstan azamattarynyń qaıtýyna yqpal etýdi surady. Vladımır Pýtın týyndaǵan máseleni sheshýge Reseı úkimeti kómektesetinin aıtty.
Reseı Prezıdenti saýda-ekonomıkalyq yntymaqtastyqty odan ári keńeıtýdiń jáne Eýrazııalyq ekonomıkalyq odaq aıasynda ózara is-qımyldardy nyǵaıtýdyń mańyzdylyǵyn atap ótti.
Qazaqstan Prezıdenti Qasym-Jomart Toqaev reseılik áriptesin konstıtýsııalyq reformalardyń tabysty júzege asyrylýymen quttyqtap, jalpyulttyq daýys berýdiń oń nátıje beretinine senim bildirdi.
