2013 jylǵy 21 tamyz, Astana, Úkimet Úıi
«Aqyly avtomobıl joldaryn jáne kópir ótkelderin paıdalaný qaǵıdalary men sharttaryn bekitý týraly» Qazaqstan Respýblıkasy Úkimetiniń 2007 jylǵy 30 qańtardaǵy №71 qaýlysyna ózgeris engizý týraly
Qazaqstan Respýblıkasynyń Úkimeti qaýly etedi:
1. «Aqyly avtomobıl joldaryn jáne kópir ótkelderin paıdalaný qaǵıdalary men sharttaryn bekitý týraly» Qazaqstan Respýblıkasy Úkimetiniń 2007 jylǵy 30 qańtardaǵy №71 qaýlysyna (Qazaqstan Respýblıkasynyń PÚAJ-y, 2007 j., №2, 31-qujat) mynadaı ózgeris engizilsin:
kórsetilgen qaýlymen bekitilgen Aqyly avtomobıl joldaryn jáne kópir ótkelderin paıdalaný qaǵıdalary men sharttary osy qaýlyǵa qosymshaǵa sáıkes jáne redaksııada jazylsyn.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 21 tamyzdaǵy №824 qaýlysyna qosymsha
Qazaqstan Respýblıkasy Úkimetiniń 2013 jylǵy 30 qańtardaǵy №71 qaýlysymen bekitilgen
Aqyly avtomobıl joldaryn jáne kópir
ótkelderin paıdalaný qaǵıdalary men sharttary
1. Jalpy erejeler
1. Osy Aqyly avtomobıl joldaryn jáne kópir ótkelderin paıdalaný qaǵıdalary men sharttary (budan ári – Qaǵıdalar) «Avtomobıl joldary týraly» 2001 jylǵy 17 shildedegi Qazaqstan Respýblıkasynyń Zańyna (budan ári – Zań) sáıkes ázirlendi jáne Avtomobıl joldaryn basqarý jónindegi ulttyq operatorǵa nemese konsessıonerge berilgen Qazaqstan Respýblıkasynyń aqyly avtomobıl joldaryn (jol ýchaskelerin) jáne kópir ótkelderin paıdalaný tártibi men sharttaryn aıqyndaıdy.
2. Osy Qaǵıdalarda Zańda kózdelgen uǵymdar jáne mynadaı uǵymdar paıdalanylady:
1) avtomobıl joldaryn paıdalanýshylar – jol qozǵalysyna qatysýshylar bolyp tabylatyn nemese avtomobıl joldaryna bólingen beldeý men jol boıyndaǵy beldeý sheginde ózge de qyzmetti júzege asyratyn jeke jáne zańdy tulǵalar.
2) aqyly avtomobıl joldaryn (jol ýchaskelerin) jáne kópir ótkelderin paıdalaný – aqyly avtomobıl joldary (jol ýchaskeleri) jáne kópir ótkelderi boıynsha avtokólik quraldarynyń belgilengen júktemelerimen, gabarıtterimen úzdiksiz, qaýipsiz qozǵalysyn qamtamasyz etý jónindegi is-sharalardy júzege asyrý jáne paıdalaný kezeńinde olardyń kóliktik-paıdalaný jaı-kúıin ustaý;
3) aqyly júrýdi uıymdastyrýshy – Avtomobıl joldaryn basqarý jónindegi ulttyq operator nemese konsessıoner;
4) kópir ótkeli – kópirdi, kópirge kireberisti, retteý jáne qorǵaý qurylystaryn qamtıtyn, sý kedergilerin eńserýge arnalǵan ınjenerlik qurylystar kesheni.
2. Aqyly avtomobıl joldaryn (jol ýchaskelerin)
jáne kópir ótkelderin paıdalaný tártibi men sharttary
3. Aqyly avtomobıl joldaryn (jol ýchaskelerin) jáne kópir ótkelderin paıdalaný Qazaqstan Respýblıkasynyń zańnamasyna sáıkes olardy jóndeý men kútip ustaý jónindegi is-sharalardy Aqyly júrýdi uıymdastyrýshynyń ýaqtyly qamtamasyz etýin kózdeıdi.
4. Aqyly júrýdiń uıymdastyrýshy aqyly avtomobıl joldary (jol ýchaskeleri) men kópir ótkelderin tıisti paıdalaný maqsatynda:
1) Qazaqstan Respýblıkasynyń zańnamasyna sáıkes avtomobıl joldaryn paıdalaný kezinde qaýipsizdik talaptarynyń saqtalýyn qamtamasyz etedi;
2) qysqy kezeńde aqyly avtomobıl joldaryn (jol ýchaskelerin) jáne kópir ótkelderin qardan tazartýdy qamtamasyz etedi jáne jamylǵynyń taıǵaqtyǵyna qarsy sharalar qabyldaıdy,
3) kólik quraldarynyń úzdiksiz jáne qaýipsiz júrip ótýin jáne tabıǵatty qorǵaý zańnamasy talaptarynyń saqtalýyn qamtamasyz etedi;
4) Qazaqstan Respýblıkasynyń zańnamalyq aktilerine sáıkes avtomobıl joldaryn paıdalanýshylarǵa jol jaǵdaılarynyń sebepteri boıynsha týyndaǵan jol-kólik oqıǵalary keltirgen zııandy óteý jónindegi sharalardy qabyldaıdy;
5) Qazaqstan Respýblıkasynyń zańnamalyq aktilerine sáıkes avtomobıl joldaryna bólingen beldeýdiń fıtosanıtarııalyq jaı-kúıin qamtamasyz etedi;
6) avtomobıl joldarynyń boıynda qorǵanysh ekpelerin kútip-ustaıdy,
7) jol organdarymen kelisim boıynsha, jol polısııasy bólimshelerimen jáne tótenshe jaǵdaılar jónindegi ýákiletti organmen birlesip, shuǵyl jaǵdaılarda (qolaısyz aýa raıy-klımattyq jaǵdaılar, dúleı apattar, órt, avtomobıl joldarynyń kóterý qabiletiniń joıylýy), sondaı-aq jóndeý-qurylys jumystaryn júrgizgen kezde bul jóninde jergilikti atqarýshy organdardy jáne avtomobıl joldaryn paıdalanýshylardy tıisti jol
belgilerin qoıyp jáne buqaralyq aqparat quraldary arqyly habardar ete otyryp, kólik quraldary qozǵalysyn shekteıdi nemese toqtatady;
8) dúleı meteorologııalyq qubylystar men tabıǵı jáne tehnogendik sıpattaǵy tótenshe jaǵdaılardyń saldarlaryn joıady;
9) jol polısııasy bólimshelerimen ózara is-qımyl jasaı otyryp, jol-kólik oqıǵalarynyń esebin júrgizedi, olardyń týyndaýyna yqpal etetin sebepter men jaǵdaılardy taldaıdy, olardyń aldyn alý men joıý jónindegi is-sharalardy ázirleıdi;
10) Qazaqstan Respýblıkasy Úkimetiniń 1997 jylǵy 25 qarashadaǵy №1650 qaýlysymen bekitilgen Qazaqstan Respýblıkasy Jol qozǵalysynyń erejelerinde belgilengen jyldamdyq rejıminiń sheńberinde kólik quraldarynyń qaýipsiz júrip ótý múmkindigin qamtamasyz etedi;
11) jol qozǵalysyna qatysýshylardy qutqarý, jol-kólik oqıǵalary, avarııalar, dúleı apattar jaǵdaılarynda olarǵa dárigerge deıingi medısınalyq kómek kórsetý boıynsha sharalar qabyldaıdy;
12) jol polısııasy bólimshelerine jol-kólik oqıǵalaryn tergeýge járdem kórsetedi, sondaı-aq eger jol-kólik oqıǵasy ilespe jol jaǵdaılary boıynsha bolsa, qyzmettik tekserý júrgizedi;
13) Qazaqstan Respýblıkasynyń zańnamasyna sáıkes jedel-izdestirý qyzmetin júzege asyratyn organdarǵa járdem kórsetedi;
14) jol qozǵalysyn uıymdastyrýdyń tehnıkalyq quraldaryn (qorshaýlar, jol belgileri, joldy belgileý, baǵyttaıtyn qurylǵylar, jaryqtandyrý jelileri, baǵdarshamdar, qozǵalysty avtomattandyrylǵan basqarý júıeleri) ornatý men jóndeýdi qamtamasyz etedi;
15) qajetti aqparattyq-kommýnıkasııalyq jelilerge qosý arqyly avtokólik quraldary qozǵalysynyń monıtorıngi úshin ólsheý qurylǵylaryn, jabdyqtardy ornatýdy jáne baǵdarlamalyq qamtýdy qamtamasyz etedi;
16) Qazaqstan Respýblıkasynyń zańnamasyna sáıkes aqyly avtomobıl joldary (jol ýchaskeleri) boıynsha júrip ótkeni úshin aqy alýdy qamtamasyz etedi.
5. Aqyly avtomobıl joldaryn (jol ýchaskelerin) jáne kópir ótkelderin kútip-ustaý boıynsha jumystar turaqty negizde júzege asyrylady.
6. Avtomobıl joldary (jol ýchaskeleri) men kópir ótkelderin kútip-ustaý boıynsha jumystardy ýaqtyly júrgizý maqsatynda olardy vızýaldy tekserý kún saıyn júzege asyrylady.
7. Aqyly avtomobıl joldarynyń (jol ýchaskeleriniń) jáne kópir ótkelderiniń paıdalanylýyn baqylaýdy avtomobıl joldary jónindegi ýákiletti memlekettik organ júzege asyrady.
