Bıyl biz kóktem merekesin úıde, otbasymyzben atap ótemiz.
Biz el birliginiń qundylyǵyn, otbasylyq baqyttyń jáne jaqyndarymyzdyń amandyǵynyń mańyzyn túsinip, Qazaqstan halqynyń birtutas otbasyna jatatynymyzdy, elimizdiń bolashaǵy úshin jaýapkershiligimizdi burynǵydan da aıqyn sezine bastadyq.
Birlik pen kelisimdi kózimizdiń qarashyǵyndaı saqtap, yntymaǵymyzdy nyǵaıta otyryp, biz aınalamyzdaǵylarǵa qamqorlyq jasaý arqyly biz jarqyn bolashaqqa senim artamyz.
Ardaqty aǵaıyn!
Biz qoǵamdyq kelisimniń arqasynda kez kelgen qıyndyqty ıyq tirese eńsere bildik. Budan ári de solaı bolady. Bul bizdiń ortaq tarıhymyz arqyly dáleldengen.
Naýryz meıramy qutty bolsyn! Ol sizderge jáne jaqyndaryńyzǵa myqty densaýlyq, qýanysh, baqyt jáne jaqsy úmit ákelsin!
Bizdiń ortaq úıimiz, Otanymyz – Qazaqstan Respýblıkasy órkendeı bersin!
Ejelden jańarý men jasampazdyqtyń bastaýy, yrys pen berekeniń arqaýy bolǵan bul mereke sizge jáne sizdiń jaqyndaryńyzǵa myqty densaýlyq, qýanysh, baqyt pen molshylyq ákelsin!
Ulys oń bolsyn! Aq mol bolsyn!
Naýryz meıramy qutty bolsyn!
Qazaqstan halqy Assambleıasy
