Aımaqtar • 21 Naýryz, 2020

Aqtaý: Tótenshe jaǵdaıǵa oraı tekseris jumystary tolastamaıdy

62 retkórsetildi

Bul týraly oblystyq kommýnıkasııa ortalyǵynda ótken brıfıngte Aqtaý qalasy ákiminiń orynbasary Serik Gýsman málimdedi. Koronavırýsqa baılanysty engizilgen tótenshe jaǵdaıǵa oraı Aqtaýda arnaıy shtab quryldy.

Kún saıyn Aqtaý qalasy ákiminiń orynbasarlarynyń jáne shtab músheleriniń qatysýymen monıtorıng júrgiziledi. Olar birqatar nysandardyń koronavırýsqa qarsy daıyndyǵyn, tótenshe jaǵdaı talaptaryn oryndaý boıynsha saýda ortalyqtaryn jáne tamaq ónimderin satý dúkenderi men sýpermarketterge, bazarlarǵa arnaıy barady.

Qala boıynsha jumys istep turǵan 14 bazardyń azyq-túlik satý bóligi sanıtarlyq-dezınfeksııalyq sharalaryn saqtap, qalypty rejımde jumys jasasa, kıim-keshek jáne ózge de taýarlar satý bóliginiń jumys ýaqyty saǵat 11:00-den 17:00-ge deıin shekteldi. 5 mal bazary bar, onyń úsheýi sanıtarlyq-dezınfeksııalyq sharalaryn saqtap, qalypty rejımde jumys istep tur, 2-eýi jabyq. 4 kınoteatr, saýda-kóńil kóterý ortalyqtaryndaǵy 6 balalar oıyn alańdary tótenshe jaǵdaı merziminde jumystaryn toqtatty.

2 gıpermarket, 65 sýpermarket, 879 azyq-túlik dúkenderi sanıtarlyq-dezınfeksııalyq sharalaryn saqtap, qalypty rejımde jumys istep tur.

Shtab músheleri atalǵan nysandarda ýaqytyly dezınfeksııalanýdy, qol jýatyn sýsabyn jáne taǵy da basqa jeke antıseptıkalyq zattardyń bolýy, kassada kezektiń saqtalýy sııaqty jumystardy tekseredi.

- Máselen, 19-naýryz kúni nysandardy aralaý barysynda halyq kóp shoǵyrlanatyn «Alataý» saýda úıindegi sýpermarkette birqatar talaptardyń oryndalmaǵany anyqtaldy. Atap aıtsaq, sanıtarlyq tazalyq saqtalmaǵan. Osyǵan oraı, eskertý berildi. Kelesi joly qaıtalanatyn bolsa, ákimshilik jaýapkershilikke tartylyp, aıyppul salynady. Jalpy, barlyǵyna Prezıdenttiń Jarlyǵyna sáıkes jasaqtalǵan Aqtaý qalasy ákimdiginiń usynym haty taratylyp, jumyskerler arasynda túsindirme júrgizildi, - dedi qala ákiminiń orynbasary Serik Gýsman.

Sonymen qatar, saýda ortalyqtarynyń belgilengen shekti ýaqyt 18.00-de jabylýy qaralyp, barlyǵynyń talapty oryndaǵany baqylandy.

Aıta keteıik, 41 toıhana tótenshe jaǵdaı merziminde jumysyn toqtatty. 15 sáýirge deıingi merzimde 184 sharalardy ótkizýdi toqtatty.

Tekserý jumystary kún saıyn jalǵasady.

Gúlaıym DÁÝITBAI,

«Egemen Qazagstan»

Mańǵystaý oblysy

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar