Aımaqtar • 21 Naýryz, 2020

Qyzylorda: Tazalyq ta, baǵa da baqylaýda bolady

31 retkórsetildi

Qazaly aýdanynyń ákimi Murat Ergeshbaev azyq-túlik baǵalarynyń turaqtylyǵyn baqylaý maqsatynda bazarlar men saýda qatarlaryn aralady. Bul týraly aýdan ákiminiń baspasóz qyzmeti habarlady.

Aýdan basshysy aldymen Áıteke bı kentindegi «Ernur» bazaryndaǵy saýda qatarlaryn aralady. Eldegi tótenshe jaǵdaıǵa baılanysty qaýipsizdik sharalaryn qatań saqtaý qajettigin aıtty. Munan soń jaqynda ǵana jańadan ashylǵan «Nur» ashanasynda bolyp, kásipkerge sanıtarlyq talaptardyń qatań saqtalýyn tapsyrdy.

Sondaı-aq, «Yrys bolashaq» bazaryndaǵy «Anel», «Aıtoǵjan» saýda qatarlaryndaǵy  kókónis ónimderiniń baǵasyn bildi. Satýshylar men bazar basshylyǵyna sanıtarlyq talaptardy qatań saqtap, azyq-túlik baǵasyn negizsiz ósirmeý qajettigin eskertti.

Qazir aýdanda azyq-túlik taýarlarynyń baǵasyn ósirmeý baqylaýda tur. Osyǵan baılanysty «Nurshýaq» avtobeketinde jármeńke uıymdastyrylyp, onda azyq-túlik ónimderi bazar narqynan tómen baǵada satyldy. Aldaǵy ýaqytta aýdannan oblystyq turaqtandyrý qorymen birlesip áleýmettik dúken ashý qolǵa alynady.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar