Aımaqtar • 21 Naýryz, 2020

Mańǵystaý oblysynyń ákimi S.Trumov turǵyndarǵa úndeý jasady

290 retkórsetildi

Mańǵystaý oblysynyń ákimi koronavırýstiń taralýyna baılanysty oblys deńgeıinde tıisti sheshim qabyldap, saqtyq sharalaryn kúsheıtý úshin birqatar usynys ázirlegenin aıtty.

Ardaqty aǵaıyn, qadirli jerlester! Álemdik indet – koronavırýstyń bizdiń elimizde de tirkelýine baılanysty memleket basshysy Qasym-Jomart Toqaev el aýmaǵynda otyz kúndik tótenshe jaǵdaı jarııalap, saqtyq sharalaryn kúsheıtýdi tapsyrdy. Qoǵamdyq tártip qatań baqylaýǵa alynyp, kópshilik qatysatyn is-sharalar toqtatyldy. Bunyń bári halyqtyń densaýlyǵy, eldiń amandyǵy úshin jasalyp otyr. О́zderińiz biletindeı, memlekettik komıssııanyń sheshimimen naýryzdyń 19-nan bastap Nur-Cultan men Almaty qalasy karantındik aımaq retinde belgilendi. «Qamdanǵan qapy qalmaıdy» degen bar. Osy maqsatta biz de oblys deńgeıinde sheshim qabyldap, saqtyq sharalaryn kúsheıtý úshin birqatar usynys ázirledik. Eń áýeli árbir azamat mamandar aıtqan erejelerdiń talaptaryn saqtaı otyryp, jaýapkershilikti sezinýi tıis. Bul óte mańyzdy.

Qurmetti mańǵystaýlyqtar! Atalǵan derttiń taralýyna jol bermeý úshin Mańǵystaý oblysy boıynsha ákimdik janynan jedel shtab quryldy. Jaǵdaı únemi baqylaýda. Degenmen saqtyq sharalary úshin oblys deńgeıinde medısınalyq kómek kórsetetin 320 tósek orynǵa arnalǵan 3 medısınalyq stasıonar sonymen qatar qajettilikke baılanysty qosymsha oryndar daıyndaldy. Shekara beketterinde 7 sanıtarlyq karantındik pýnktterimiz jumys istep tur. Onyń ishinde 2-ýi avtókólik beketindegi «Temir-Baba», «Tájen», 2-ýi Aqtaý, Quryq teńiz porttarynda, 1-ýi áýejaıda, 2-ýi temirjoly kóliginde «Bolashaq» stansııasy, «Oazıs» Beıneý stansııasynda. Onymen qosa kórshilis ornalasqan Atyraý oblysy men Túrikmenstan shekarasynan keletin joldarǵa blok posttar qoıyp, tekserý, túsindirý jumystaryn júrgizýdemiz. Aımaqtaǵy azyq-túlikke alańdaýǵa negiz joq. Qazirgi kúni oblys aýmaǵynda azyq-túlik qory jetkilikti. Ol úshin turaqtandyrý qoryna tıisti qarajat bólindi. Bul rette óńirdiń kásipkerlerin de meıilinshe halyqpen birge bolýǵa jáne qoldaý kórsetýge shaqyramyn. О́zderińiz biletindeı prezıdentimiz Qasym-Jomart Toqaev úkimetke arnaıy tapsyrma berip, orta jáne shaǵyn bıznes ókilderine memleket tarapynan qoldaý kórsetý kerektigin tapsyrdy. Máselen, belgili bir mólsherde salyqtan bosatý, ústemelik tólemdi alyp tastaý sekildi birqatar jeńildikter qarastyrylǵan. Sondyqtan, engizilgen shekteýlerdi árbir kásipker túsinistikpen qabyldaıdy dep senemin. Bárimizdiń azamattyq jaýapkershiligimiz osyndaı sátte synalady. Osyndaıda múmkindigi shekteýli jandarǵa, az qamtylǵan otbasylarǵa qoldan kelgen kómegin aıamaýymyz kerek. Elbasy N.Á. Nazarbaevtyń bastamasymen partııa jobalarynyń aıasynda 18 naýryzdan bastap «Biz birgemiz! «Nur Otan» respýblıkalyq aksııasy bastaý aldy. Biz de óz tarapymyzdan atalǵan aksııaǵa úlesimizdi qosyp, Mańǵystaý oblysyndaǵy barlyq memlekettik organdar men óndiristik kásiporyndar, «Nur Otan» partııasy fılıaly jáne «Atameken» kásipkerler palatasynyń ujymy elimizdegi koronavırýstyń taralýyna qarsy kúreske kómek retinde bir kúndik eńbekaqylaryn aýdarýda. Jınalǵan qarajat indetke qarsy kúresip, atsalysyp júrgen medısına mamandaryn yntalandyrýǵa jáne ózge de qajettiliktermen qamtamasyz etýge jumsalatyn bolady.

Ardaqty aǵaıyn! Babalarymyz kezinde budanda qıyn kezeńdi bastan ótkergen. Biz de mundaı sátte sabyrlyq tanytyp, judyryqtaı jumylyp, birge bolaıyq! Tótenshe jaǵdaı ýaqyty aıaqtalyp, álemdik derttiń qaýpi basylǵansha úıimizden shyqpaýǵa, árkim óz otbasymen birge bolýǵa shaqyramyn. О́zderińizge málim mektep jasyndaǵy balalar men stýdentterdi qashyqtyqtan oqytyp, kórsetiletin qyzmettiń kóptegen túri onlaın rejımine aýysty. Oblysymyzdaǵy kitaphana, teatr, bank, bilim berý jáne halyqqa qyzmet kórsetý ortalyqtary sizderge qolaıly bolý úshin ınternet arqyly qyzmet kórsetýde. Eldegi ahýalǵa baılanysty ýaqytsha demalysqa shyqqan ustazdar men taǵy basqada mekemedegi mamandardyń eńbekaqysy tolyq saqtalady. Ony memleket basshysy Qasym-Jomart Toqaev ózi málimdep, úkimetke tıisti tapsyrmasyn berdi. Qazir ár aımaqta dástúrimizge saı kórisý, naýryz meıramynyń ýaqyty. Keıbir azamattardyń aldyn-ala josparlaǵan otbasylyq is-sharalary, merekelik jıyny bar ekenin bilemiz. Alaıda, bárimizge halqymyzdyń densaýlyǵy men qaýipsizdigi qymbat. Sondyqtan tártipke baǵynyp, dástúrge saı ótetin jıyndarymyzdy ýaqytsha toqtatýymyzǵa týra keledi.

Qurmetti jerlester! Bul tek bizdiń óńirde ǵana emes, elimiz boıynsha qabyldanǵan ortaq sheshim ekenin durys túsinýimiz kerek. Atalarymyz aıtqandaı «Jaqsylyqtyń erte keshi joq». Aǵaıyn aýyzbirshilikte tanytsa, aldaǵy talaı qýanyshty sátter de birge bolarymyz anyq. «Saqtansań - saqtaımyn» degen. Endeshe el aǵalary da buqara-jurtqa osyny jan-jaqty túsindirip, qoldaý kórsetýge shaqyramyn.

 

Mańǵystaý oblysy

Sońǵy jańalyqtar

Qazaqstanda koronavırýstan 55 adam aıyqty

Koronavırýs • Búgin, 12:50

Qaıyqshy atanyń hıkaıasy

Rýhanııat • Búgin, 12:39

Jyl basynan beri zeınetaqy eki ret ósti

Ekonomıka • Búgin, 11:30

Qaraquıryqty atqan qoryqshy ustaldy

Aımaqtar • Búgin, 10:54

Toıdyń sońy topyrlaǵan aýrý

Aımaqtar • Búgin, 10:22

Uǵyna bilgenge – ult taǵdyry

Saıasat • Búgin, 06:57

Kóńilge medet bolǵan maqala

Rýhanııat • Búgin, 06:56

Qıyndyqpen birge jeńildik bar

Qoǵam • Búgin, 06:32

«Birlik joq jerde – tirlik joq»

Qoǵam • Búgin, 06:26

El bolyp eńseremiz

Saıasat • Búgin, 06:20

Jańa aýrýhana 12 kúnde salynady

Elorda • Búgin, 06:17

Daýyl «dertimizdi» anyqtap berdi

Aımaqtar • Búgin, 06:14

Býmerang

Rýhanııat • Búgin, 05:54

Qorǵaýshylarǵa da qoldaý qajet

Aımaqtar • Búgin, 05:46

Toıdyń sońy topyrlaǵan syrqat

Aımaqtar • Búgin, 05:43

Kıeli kitaptar: tyıymdar ne úshin jasalady?

Rýhanııat • Búgin, 05:34

Aqırekte – Arystan bab...

Tanym • Búgin, 05:33

Toqyma ónerkásibine tyń serpin kerek

Ekonomıka • Búgin, 05:22

Medısına ǵylymyn damytýǵa ne kedergi?

Medısına • Búgin, 05:15

54 adam jazylyp shyqty

Koronavırýs • Keshe

Uqsas jańalyqtar