Áleýmettik jelide taraǵan vıdeo Aqsaı qalasyndaǵy janar-jaǵar maı quıý stansasynda túsirilgen. Beınejazba avtory munda bir adamnan vırýs anyqtalǵanyn jáne jedel járdemniń kelgenin aıtady.
BQO polısııa departamentiniń resmı ókili Bolatbek Belgibekovtiń málimetinshe, vıdeo 18 naýryz kúni túsirilgen. Onyń avtory - Aqsaı qalasynyń 32 jastaǵy turǵyny halyqtan keshirim surady.
«Rolık túsirip, onda kenish qyzmetkerleriniń biri vırýs juqtyrǵany jóninde aıtqanym úshin keshirim suraımyn. Bul - jalǵan. Anyq aqparatty tek resmı kózderden alýǵa bolady», dedi ol.
«Bul adamǵa osyndaı áreketi úshin eskertý jasaldy. Sebebi ol tek vırýs dep aıtqan, aýzynan koronavırýs degen sóz shyqpaǵan. Oǵan qosa, istegen isine ókinip, jurtshylyqtan keshirim suraǵandyqtan, jaýapkershilikke tartylǵan joq», dedi QazAqparat tilshisine B.Belgibekov.
Buǵan deıin habarlaǵanymyzdaı, BQO-da Italııa, Ispanııa, Germanııadan kelgen 16 adam karantınde jatyr.
Tótenshe jaǵdaı kezinde oraldyq volonterler kópbalaly analarǵa maska men antıseptıkter taratýda.
Alaıda, qazirgi jaǵdaıda medısınalyq betperdelerge tapshylyqty paıdalanyp, olardy qymbat baǵaǵa satqandar da anyqtalýda.
