Aımaqtar • 21 Naýryz, 2020

Talǵardyń tátti qulpynaıy almatylyqtardy tamsandyrady

70 retkórsetildi

Almaty sııaqty úlken megapolıstiń azyq-túlikke suranysy ájeptáýir. Ásirese, qala turǵyndarynyń kókónis pen jemis-jıdekke jumsaıtyn kúndelikti qarjysy tipten orasan eken. Demek, daıyn naryqty balǵyn ónimmen qamtý jergilikti bılik pen sharýa tizginin qolyna ustaǵan iskerlerdiń mindeti bolsa kerek.

Osy turǵydan kelgende Almaty oblysynyń megapolıspen irgeles jatqan aýdandarynyń múmkindigi mol. Qazirdiń ózinde istiń kózin tapqandar qaladaǵy naryqty ıgerip jatyr. Sonyń biri Talǵar aýdanyndaǵy «Eńbek» sharýa qojalyǵy. Eńbekshi aýylynda oryn tepken qojalyq jylyjaı óndirisin damytyp otyr eken. Búginde sharýashylyqtyń qulpynaı ósiretin jylyjaıynda jyl on eki aı boıy jemis pisip, qala turǵyndarynyń qajetin óteıtin ónim kólemi artyp keledi.

Byltyr «eńbektikterdiń» isine túrik ınvestorlary qyzyǵyp, qarjy salýǵa ynta bildiripti. Osylaısha aýyldaǵy óndiris halyqaralyq deńgeıde kelisimshart jasasqan. Nátıjesinde qulpynaı egilgen alqap kólemi 1 gektarǵa deıin ósti. Iаǵnı, jabyq jylyjaı kólemi osynsha aýmaqqa ulǵaıdy. Bul degenińiz tátti jıdek túrin jyl boıy ósirip, ónimin alýǵa taptyrmas múmkindik boldy degen sóz.

- Bul jylyjaıdyń qurylysyn bizge túrkııalyq áriptester usyndy. Joba 2016 jyly Antalııada ótken Expo kórmesinde úzdik dep tanylǵan eken. Investorlar bizdiń aýyldy tańdap, jobany júzege asyrǵysy keletinin aıtty, qazir nátıje bar. Al jobaǵa 400 mıllıon teńge ınvestısııa saldy, - deıdi «Eńbek» sharýa qojalyǵynyń basshysy Beıbit Ǵabdýllın.

Jylyjaı jumysy tolyqtaı jańa tehnologııamen isteıdi. Gollandııalyq ádis boıynsha otyrǵyzylǵan qulpynaı túpterin qopsytý men aramshópten tazartý jáne pisken ónimdi jıyp, terýden basqa basqa árekettiń barlyǵy sıfrly júıede atqarylady. Tamshylata sýarý ádisimen qorektengen jıdek ónimdi birkelki ári molynan beredi eken. Al jınalǵan daıyn ónimniń megapolıs naryǵyna jóneltiletinin joǵaryda aıttyq.

Aıtpaqshy, bıyl Almaty oblysy aýyl sharýashylyǵyndaǵy jalpy ónim kóleminiń tabysyn 1 trıllıon teńgege deıin jetkizýdi maqsat etip otyr. Al qaıta óńdelgen ónim eksporty da 23 paıyzǵa artyp, onyń aqshaǵa shaqqanda quny 112 mıllıon AQSh dollaryna deıin jetedi degen boljam bar. Buǵa ntolyq negiz bar. О́ıtkeni, ótken jyldyń qorytyndysy boıynsha aýyl sharýashylyǵy óniminiń kólemi 852 mıllıard teńgege jetip, tabys mólsheri 3,4 paıyzǵa ósken bolatyn.

 

Almaty oblysy

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar