Elimiz ǵalymdary ózderi ázirlegen týberkýlezge qarsy jańa vaksınany adamdarǵa synap kórmekshi. Bul týraly Bnews.kz habarlady.
Jańa vaksınanyń ereksheligi jóninde Bıologııalyq qaýipsizdik problemalary ǵylymı- zertteý ınstıtýtynyń bas dırektory, veterınarııa ǵylymynyń doktory, professor Abylaı Sansyzbaı bylaı deıdi: «Bıologııalyq qaýipsizdik problemalary ǵylymı-zertteý ınstıtýty adam týberkýlezine qarsy jańa vaksına ázirledi. Ol Sochıde maımyldarǵa, Ulybrıtanııada kúzenderge egilip, synaqtan sátti ótti. Jańa vaksına óte jaqsy qasıetterin kórsetti. Eshqandaı zııany bolǵan joq, janýarlardyń ımmýndyq qasıetteri kúsheıe tústi.Bıyl barlyq ruqsat qaǵazdaryn aldyq. Klınıkalyq synaqty qazan aıynda ótkizemiz. Jetpis eki erikti adam nıet tanytty. Olardyń jasy on segizden elý jasqa deıin. Bul óte kúrdeli jumys. Aıtý kerek, mundaı klınıkalyq synaq Qazaqstanda eshqashan ótkizilmegen. Birinshi ret jasalmaq. Mundaı jumys TMD kóleminde bizde ǵana júrip jatyr. Úsh jylda osyndaı jetistikke jetip otyrmyz».
Vaksınany qoldanýdyń ár túrli ádisteri - tildiń astyna salý, murynǵa sebý sekildi amaldary qarastyrylady. Qaısysy tıimdi bolady, sony qoldanady. Álemde týberkýlezge qarsy jalǵyz ǵana BSJ vaksınasy bar eken. Alaıda,onyń ımmýnıteti joq, ekinshiden vaksınany salǵan jer irińdeıdi. Al bizdiń ǵalymdardyń ázirlegen jańa vaksınanyń ondaı keri áseri joq. Munyń artyqshylyǵy – ol vektorlyq vaksına, jańa tehnologııalar boıynsha jasalǵan. Eń bastysy, ony aýyryp jatqan adamdarǵa da egýge bolady, aldyn-alý úshin de paıdalanýǵa bolady. Klınıkalyq synaq ótkiziletin jetpis eki adamnyń otyz altysynyń deni saý bolsa, ózgesi týberkýlez dertine shaldyqqandar.
«Synaqtar búkilálemdik densaýlyq saqtaý uıymynyń baqylaýymen ótip jatyr. Klınıkalyq synaqty ótkizgennen keıin, zertteýdiń kelesi úshinshi, tórtinshi kezeńine ótip, 2015 jyly aıaqtaımyz. Barlyǵy oıdaǵydaı bolsa, keleshekte dúnıejúzinde osy vaksına qoldanylatyn bolady. Halyqaralyq patentke ótinish berip qoıdyq . Bul memlekettiń ǵylymǵa úlken kóńil bólýiniń, qarjylandyrýdyń, otandyq ǵalymdardyń shetelde tájirıbeden ótýiniń arqasynda múmkin bolyp otyr», - dep atap ótti sóz oraıynda A. Sansyzbaı.
Ámirhan Almaǵanbetov.
