Aımaqtar • 21 Naýryz, 2020

Qaraǵandylyqtar Ulystyń Uly kúnin otbasy-oshaq qasynda qarsy alady

14 retkórsetildi

Qaraǵandy oblysynyń óńirlik kommýnıkasııalar qyzmetinde ótken brıfıngte taýarlar men qyzmetterdiń sapasy men qaýipsizdigin baqylaý departamentiniń basshysy Qanat Asqarov qaraǵandylyqtardy Naýryz meıramyn otbasy-oshaq qasynda atap ótýge shaqyrdy. Sonymen qatar, ol tótenshe jaǵdaı tusynda alys saparlardan bas tarta turýǵa keńes berdi.

– Sizderdi Naýryz merekesin týǵan-týystar men jaqyndaryńyzdyń ortasynda ótkizýge, adamdar kóp shoǵyrlanatyn oryndarǵa barmaýǵa, oblystan tys jerlerge alys saparlardy josparlamaýǵa shaqyramyn, – dedi Qanat Asqarov.

Sonymen qatar, ol koronavırýspen aýyrǵandar arasynda týrıstik arzan týrlarǵa qyzyǵyp, ınfeksııalyq jaǵdaıy qolaısyz elderge barǵandardyń bar ekenin eske saldy. «Tómen baǵaǵa qyzyqpańyzdar. Arzan týrlar sizdiń jaqyndaryńyzdyń densaýlyǵy men ómirinen artyq emes», dedi oblystyń bas sanıtar dárigeri.

Sondaı-aq, Qanat Asqarov koronavırýs juqtyrǵan eki naýqastyń oblys ortalyǵyndaǵy medısınalyq mekemelerdiń birinde tolyqqandy em alyp  jatqanyn, búgingi kúnde olardyń densaýlyq jaǵdaıy qanaǵattanarlyq ekenin habarlady.

Brıfıng barysynda oblystaǵy balabaqshalardyń jabylýy múmkin ekendigi belgili boldy. Bul týrasynda oblystyq bilim basqarmasynyń basshysy Esenǵazy Imanǵalıev málimdedi.

– Bizdiń balalarymyzdyń densaýlyǵy men amandyǵy basty baılyǵymyz. Statıstıkaǵa súıensek, qazir ata-analardyń 20%-y balalardy balabaqshalarǵa ákeledi. О́z erkimen kelýden bas tartqan adamdar úshin ondaǵy oryndar saqtalady. Balalardyń az kelýi qyzmetkerlerdiń eńbekaqysyna áser etpeıdi.  Eger biz balabaqshalardyń qyzmetin toqtatatyn bolsaq, bul qaýipsizdikti kúsheıtedi dep oılaımyn, – dedi ol.

Sáýirdiń 6-synan bastap mektep oqýshylarynyń kezekten tys demalysy aıaqtalady. Osy ýaqytqa qaraı jaǵdaıǵa baılanysty qalaı áreket etý kerektigi oılastyrylýda ekendigin jetkizdi basqarma basshysy. Al kolledj stýdentteri 16 naýryzdan bastap qashyqtan bilim alýǵa kóshken.

Brıfıngte Qaraǵandy oblystyq eńbek ınspeksııasy jónindegi basqarmanyń basshysy Irına Lıýbarskaıa qashyqtan jumys isteýge kóshken uıymdar men kásiporyndardyń qyzmetkerlerine aqy tóleý júıesiniń qalaı júzege asatynyn túsindirdi. Atap aıtqanda, ol mundaı jaǵdaıǵa ushyraǵan azamattardyń qoldaýsyz jáne qamqorlyqsyz qalmaıtynyn málimdedi.

Brıfıng jumysynyń sońynda spıkerler oblys turǵyndaryn Naýryz merekesimen quttyqtady.

Qaraǵandy oblysy

Sońǵy jańalyqtar

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Atyraý: 50 adamǵa ystyq tamaq jetkizdi

Aımaqtar • Búgin, 11:32

Kásipkerler tilegi eskerildi

Qoǵam • Búgin, 11:11

Qarttar úıindegi qasiret

Aımaqtar • Búgin, 10:49

Daǵdarys daýylyna tosqaýyl - J. Nurabaev

Ekonomıka • Búgin, 10:45

Fýtbol: Para aldy dep aıyptalýda

Sport • Búgin, 09:38

Uqsas jańalyqtar