Azyq-túlik, taýarlar, dári-dármekter jáne birinshi kezekte qajetti zattardy jetkizetin avtokólikke, sondaı-aq júk jáne tranzıttik tasymaldardy júzege asyratyn kólikterge shekteý bolmaıdy.
Karantın bastalǵanan beri beketterdegi jaǵdaı qalypty. Azamattar qabyldanǵan shekteý sharalaryna túsinistikpen qaraýda.
Sonymen birge qasaqana jalǵan aqparat, onyń ishinde arandatýshylyq sıpattaǵy aqparat taratý faktileri kezdesýde. Mysaly, áleýmettik jelilerdiń birinde paıdalanýshy taksı júrgizýshisimen áńgimelesý beınejazbasyn ornalastyrǵan, onda taksı júrgizýshisi belgili bir aqy úshin qujattardy teksertpesten, blok-beketteri arqyly kedergisiz ótkizýge ýáde beredi.
Mundaı faktilerdiń joly qatań kesiledi. Bul úshin quqyq qorǵaý kúshteri qajetti pármendi sharalar qabyldaýda.
Nur-Sultan jáne Almaty qalalarynda blok-beketterde patrýldik polıseılermen jáne áskerı qyzmetshilermen qatar ózindik qaýipsizdik qyzmetkerleri de jumys isteıdi. Olar zańdylyqtyń saqtalýyn jáne sybaılas jemqorlyqqa jol bermeý úshin baqylaýdy qamtamasyz etedi.
Arandatýshylyq beınejazbasyn taratý faktisi boıynsha tıisti tekserý júrgizilýde. Osyǵan baılanysty IIM jalǵan aqparat taratqany úshin jaýapkershilik bary týraly eskertedi jáne azamattardan jalǵan sózge senbeýdi, al Nur-Sultan jáne Almaty qalalarynan shyǵý jáne kirýge baılanysty barlyq quqyq buzýshylyqtar týraly polısııaǵa habarlaýdy suraıdy (telefondary: Nur-Sultan qalasynda – 71-60-20, Almaty qalasynda – 254-40-07, IIM О́zindik qaýipsizdik departamentiniń senim telefony – 1402).
Karantındik is-sharalarǵa qatysty ózge suraqtar boıynsha ákimdikterge habarlasaý qajet (Nur-Sultan qalasy: 109, Almaty qalasy: 1309).
