Bilim • 21 Naýryz, 2020

Úshinshi óńirde balabaqshalar jabyldy

42 retkórsetildi

Sońǵy statıstıkalarǵa súıensek, elimiz boıynsha barlyq búldirshinderdiń tek 16,8 paıyzy balabaqshalarǵa barypty. Bul týraly Bilim jáne ǵylym mınıstrliginiń baspasóz qyzmeti habarlady. 

20 naýryzda Qazaqstanda 149 300 búldirshin balabaqshalarǵa bardy. Qazirgi ýaqytta memlekettik mektepke deıingi mekemeler tek óńirlerde shtattyq rejımde jumys isteıdi.
Tótenshe jaǵdaı engizilgenge deıin mektepke deıingi uıymdarǵa 888,3 myń bala kelgen. Tótenshe jaǵdaıdyń birinshi kúni (16.03.2020 j.) mektepke deıingi uıymdarǵa kelýshiler kórsetkishi 42% (392,0 myń adam) bolsa, aǵymdaǵy jyldyń 19 naýryzynda tek 28%-dy qurady.

Esterińizge sala keteıik, Nur-Sultan men Almatyda karantın jarııalanýyna baılanysty memlekettik jáne jekemenshik mektepke deıingi uıymdar jabylǵan bolatyn. Sondaı-aq, Túrkistan oblysynda halyqtyń tyǵyzdyǵyna jáne ınfeksııanyń taralý qaýpiniń joǵary bolýyna baılanysty barlyq balabaqshalar jumysyn toqtatty.
Buǵan deıin  Bilim jáne ǵylym mınıstrligi ata-analarǵa balalardy múmkindiginshe mektepke deıingi uıymdarǵa aparmaýdy usynǵan edi. Balabaqshaǵa barmaǵan balanyń orny saqtalatyny da aıtyldy.

Sońǵy jańalyqtar

Aqtóbede 38 armıan kóligi tirkeldi

Aımaqtar • Búgin, 10:30

Túıe súti Qytaıǵa eksporttaldy

Álem • Búgin, 09:45

Erlikti dáripteıtin qomaqty qor

Rýhanııat • Keshe

Eki qylmystyq top ustaldy

Aımaqtar • Keshe

Uqsas jańalyqtar