Aımaqtar • 21 Naýryz, 2020

Túrkistanda úı tonaǵandardyń joly kesiledi

66 retkórsetildi

Búgingi kúni Túrkistan oblysynda páter urlyǵy qylmysynyń ashylý kórsetkishi artyp keledi. Urlyqtyń aldyn alý men boldyrmaý maqsatynda polısııa qyzmetkerleri qyraǵylyq tanytýda. Ásirese, krımınaldy polısııa bóliminde qyzmet atqaratyn shendilerdiń eńbegi joǵary.

Árbir qylmyskerdi quryqtaý isi ómirine qaýip tóndirse de, sertinen tanbaıtyn jannyń biri – Meıirhan Kýrbanbaev.  Ol búgingi kúnge deıin páter urlyǵynyń birneshe deregin anyqtap, ashqan.

– Naýryz aıynyń basynda Túrkistan qalasynyń turǵyny páterin tonaǵany týraly polısııaǵa shaǵymdandy. Qajetti is-sharalar keshenin júrgizdik. Kýágerlerden jaýap alyp, beınebaqylaý kameralary tekserdik. Bir aptadan keıin, jedel-izdestirý is-sharasy nátıjesinde Túrkistan qalasynyń polısııa qyzmetkerleri eki kúdiktini quryqtady. Onyń bireýi buryn sotty bolǵan. Tergeý barysynda kúdiktilerdiń 6 páter urlyǵyn jasap, jábirlenýshilerge birneshe mıllıon teńge kóleminde shyǵyn keltirgeni anyqtaldy. Belgili bolǵandaı, urylar jábirlenýshilerdiń úıleriniń esikterin qaǵyp nemese terezelerinen ishinde eshkim joq ekenine kóz jetkizip alǵan. Sodan keıin terezeler men ashyq esik arqyly turǵyn úılerge kirip, baǵaly zattar, altyn buıymdar men aqsha jymqyrǵan. Urlanǵan múlikti jas jigitter satyp alýshylarǵa aparyp satqan, al aqshany óz qajettilikterine jumsaǵan. Qazirgi ýaqytta atalǵan oqıǵalar boıynsha sotqa deıingi tergeý amaldary júrgizilýde. Sondaı-aq qańtar aıynda da qaladaǵy páter urlyqtaryna qatysy bar eki kúdiktini quryqtadyq,  – deıdi polısııa kapıtany.

M.Musabekuly 1987 jyly Maqtaral aýdany, Atakent qalashyǵynda dúnıege kelgen. Shymkenttegi sport mektep ınternatynda bilim alǵan ol M.Áýezov atyndaǵy OQMÝ-da «Zańger» mamandyǵyn meńgergen. Al ishki ister salasyndaǵy eńbek jolyn 2013 jyly jedel ýákil bolyp bastaǵan. Keıinnen Almaty qalasyndaǵy mamandandyrylǵan batalonda aǵa ınspektor bolyp eńbek etedi, Túrkistan qalasynda ekstremızm boıynsha aǵa jedel ýákil qyzmetin atqarady. Qazir Túrkistan qalalyq krımınaldy polısııa bóliminiń bólimshe bastyǵy ári polısııa kapıtany.

– Ákem ishki ister salasynda kóptegen jyldar boıy eńbek etti. Ákemniń jolyn qýyp, mende bala kúnimde polısııa bolýdy qatty armandadym. Osy jolda bilim alyp, biliktiligimdi arttyrdym. Keıinnen aǵam da shen taǵyp, arnaıy forma kıdi. Meniń de armanym aldamady. Qazir polısııa qyzmetkerimin. Qoǵam tynyshtyǵyn saqtaý barysynda qaltqysyz qyzmet ete beremin, – deıdi M.Kýrbanbaev.

Qaırat ZAINIShEV

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar