Qazaqstan • 21 Naýryz, 2020

«Respýblıkalyq protezdik-ortopedııalyq ortalyq» óz jumysyn toqtatty

97 retkórsetildi

Búkil álem jańa koronavırýstan japa shegýde, bizdiń elimiz de oǵan qarsy kúreske kirisip, jedel ári buryn-sońdy bolmaǵan sharalardy qabyldady. Qazir uıymshyldyq pen túsinistikti kórsetý óte mańyzdy, biraq, árıne, adamdardyń kókeıinde kóptegen suraqtar týyndaıtyny tabıǵı jaǵdaı. Máselen, 6 sáýirge deıin elimizde múgedekterdi jáne tirek-qımyl apparaty patologııasy bar tulǵalardy medısınalyq-áleýmettik ońaltý kómegimen birge ótemdik quraldarmen qamtamasyz etetin iri kásiporyn – «Respýblıkalyq protezdik-ortopedııalyq ortalyq» AQ (RPOO) óz jumysyn toqtatty.

Bul jaǵdaı tapsyrystardy oryndaýǵa áser ete me, múmkindigi shekteýli qazaqstandyqtarǵa RPOO shyǵaratyn jáne búkil el boıynsha jetkiziletin protezder men ortopedııalyq aıaq kıimder jetkilikti bola ma? Osy másele týraly bizdiń tilshimiz Ortalyq prezıdenti Nıkolaı Petrovpen áńgimelesti.

- Nıkolaı Nıkolaıuly, RPOO kásiporyndarynyń jumysy amalsyzdan toqtatyldy. Muqtaj adamdarǵa daıyn ónim jetkilikti me?

- 2019 jyly biz 8 aıǵa jetetin jınaqtaýshy materıaldar men shıkizat satyp aldyq, ıaǵnı, biz osymen qamtamasyz etilgenbiz. Búginde bizdiń kásiporyndar jabyq bolǵanymen, tapsyrystardy qabyldaıtyn bizdiń ortalyqtyń sheberhanalary bar, mysaly, Almatyǵa jaqyn – Taldyqorǵanda. Protezderdi nemese arnaıy aıaq kıimderdi daıyndaýǵa baǵyttama alǵan barlyq emdelýshiler olardy bizge berip úlgerdi, tıisinshe olar óz buıymdaryn alady. Biz aǵymdaǵy oqıǵalardyń odan ári qalaı jalǵasatynyn bilmeımiz, biraq qajet bolsa, bizdiń kásiporyndar sanıtarlyq-epıdemıologııalyq sharalardy kúsheıte otyryp, óz jumysyn jabyq rejımde bastaýǵa daıyn. Qalaı bolǵanda da, barlyǵy óz tapsyrystaryna qol jetkizedi. Baǵyttamany tapsyrǵan barlyq pasıentterge biz qońyraý shaldyq. Alaıda, bizge jekeleı tártipte júginetin bizdiń pasıentterimizdiń de az sany da bar. Sondyqtan, barlyq suraqtarǵa jedel jaýap berý jáne pasıentterimizdiń barlyq kúmánderin joıý úshin biz karantın kezinde Almatyda arnaıy jeli qurdyq - 8 (727) 279-30-87 jáne 279-88-34 –  osy telefon nómirleri arqyly kúndelikti habarlasýǵa bolady.

- Sizderge kelip úlgergen tapsyrystardyń jaǵdaıy ne bolmaq?

- Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 22 qańtardaǵy №26 buıryǵyna sáıkes protezdik-ortopedııalyq buıymdardy biz tapsyrys túsken sátten bastap 45 kún ishinde daıyndaýymyz qajet. Bizde elimizdegi eń tájirıbeli jáne joǵary bilikti mamandarymyz jáne óndiriske engizilgen zamanaýı tehnologııalardyń arqasynda muny orta eseppen 17 kún ishinde jasaýǵa bolady. Sondyqtan da bizde senimdilik bar, jáne taǵy da atap óteıin – bizdiń klıentterimizdiń aldyndaǵy barlyq mindettemeler oryndalady, buǵan esh kúmándanbaýǵa bolady. 

- Bizdiń bilýimizshe, sizderde ortopedııalyq aıaq kıimge, túrli protezderge úlken memlekettik tapsyrys bar. Osy josparlardyń oryndalýyna tótenshe jaǵdaı qalaı áser etedi, sizderdiń ortalyqtaryńyz belsendilikti saqtaýǵa kómektesetin erekshe qajettilikteri bar adamdar ózderiniń erekshe buıymdarynsyz qalyp qalmaı ma? 

- Iá, tapsyrys shynymen de aýqymdy. 2019 jyly biz 33 617 buıym daıyndadyq, onyń ishinde 60-tan astam aıaq-qol protezderiniń modıfıkasııasy, 112 ortopedııalyq aıaq-kıimniń barlyq maýsymdar úshin modıfıkasııasy jáne taǵy basqalar. Buıymnyń jalpy kólemi ishinde 14 500 bul – ortopedııalyq aıaq kıim. Bıyl, aldyn ala málimetter boıynsha, óndiris kólemi 10 paıyzǵa artpaq. Degenmen, barlyq oblystar memlekettik satyp alý baıqaýlaryn nemese, jalpaq tilmen aıtsaq, tenderlerdi ótkizbedi. Osy jyly Almaty qalasy, Almaty jáne Soltústik Qazaqstan oblystary jedel jumys istedi, bul úshin salalyq basqarmalardyń basshylaryna úlken raqmet! Jalpy, biz jyl saıyn tenderler qandaı da bir sebeptermen sozylatyn jaǵymsyz jaǵdaıǵa tap bolamyz, sodan keıin biz pasıentter úshin jyl boıy josparly túrde jasalýy tıis buıymdardy qysqa merzimde ázirleýge májbúrmiz. Al bul buıymdar, ózderińiz túsingendeı, bul jappaı tıptik taýarlar emes, olardyń árqaısysy úshin jeke ólshemder men múmkindigi shekteýli nemese arnaıy ortopedııalyq aıaq kıimge muqtaj árbir pasıenttiń jeke erekshelikterin eskerý qajet. Sondyqtan, bul kezekte koronavırýs jáne onyń taralýyna baılanysty engizilgen tótenshe jaǵdaı biz úshin árdaıym shıelenisip turatyn sıtýasııany ózgertpedi.

- Ortalyq kásiporyndarynyń jabylýyna baılanysty sizderdiń qyzmetkerlerińizdiń múddeleri qalaı eskerildi?

- Qandaı da bir saladaǵy ortasha jalaqy bizdiń ortalyq qyzmetkerlerinen artyq dep oılamaımyn, múmkin tek bank sektorynda ǵana shyǵar. Bizdiń kásiporynda jetkilikti jalaqy bar jáne memlekettik tapsyrystyń ýaqytyly jáne sapaly oryndalýy úshin árdaıym syıaqy qarastyrylǵan. Biz óz mamandarymyzdy óte joǵary baǵalaımyz – olar Qazaqstandaǵy óz isiniń úzdikteri jáne árqaısysynyń eńbegi altynǵa para-par. Qazir, mereke kúnderin esepke almaǵanda, biz eki aptaǵa qyzmetkerlerimizdi jumystan bosattyq jáne osy merzim ishinde el Prezıdentiniń tapsyrmasyna jáne eńbek zańnamasyna sáıkes olarǵa eń tómengi jalaqy tólenedi.

- Osy jylǵa ortalyqtyń jospary qandaı? Oǵan qandaı túzetýler engizilmek?

- Bizdiń basty josparymyz ben basty maqsatymyz –  memlekettik tapsyrysty tolyq kólemde oryndaý jáne ony iske asyrýǵa karantın kedergi emes. О́ıtkeni, eger biz jospardy júzege asyrmasaq, eshkim ony biz úshin istemeıdi, al bizdiń pasıentter olarǵa ómir súrýge, áleýmettenýge, jumys isteýge kómektesetin ónimdersiz qalady. Al buǵan biz, árıne, eshbir jaǵdaıda da jol bere almaımyz.

Sondaı-aq, bıyl biz astanamyzda Nur-Sultan qalasyna qyzmet kórsetetin kásiporyn ashqymyz keledi. Qazir muny bizdiń Petropavldaǵy fılıalymyz iske asyrýda, biraq biz klıentterge jaqyn bolǵymyz keledi. Osy sebeppen taǵy Qaraǵandy oblysynda da óndiristi ashý josparlap otyrmyz, sebebi Qaraǵandy jáne onyń seriktes-shahary Temirtaý – bul kóptegen turǵyndary bar qalalar, mundaǵy halyqtyń kópshiligine bizdiń ónimderimiz qajet. Bizge eńbek jáne áleýmettik damý mınıstri kelgen kezde, men oǵan osy fılıaldyń ashylatynyna ýáde bergen edim, al biz árqashan óz ýádemizge berikpiz.

Sondaı-aq biz dástúrli túrde bizdiń qyzmetkerlerimiz úshin kóptegen semınarlar men oqytý kýrstaryn ótkizemiz. Qyzmetkerlerdiń eń joǵary biliktiligi – bizdiń protezdik-ortopedııalyq ortalyǵymyzdyń basty aktıvteriniń biri. Jyl saıyn RPOO qyzmetkerlerdi biliktiligin arttyrý kýrstaryna halyqaralyq protezdeý ortalyqtaryna jiberedi. Ortalyq bazasynda Reseı, Germanııa, Japonııa, AQSh mamandarynyń qatysýymen únemi oqytý semınarlary ótkiziledi. Jyl saıyn bizdiń protezısterimiz 2-3 jańa sertıfıkat alady, óıtkeni biz oblysta jumys isteımiz, al ol bir orynda turmaıdy, barlyq ýaqytta damý ústinde, sondyqtan árqashan ózgeriske daıyn bolý óte mańyzdy. Búginde RPOO kásiporyndary jabdyqtalǵan jabdyqtar zamanaýı jáne sapaly buıymdardy jasaýǵa múmkindik beredi, biraq biz Qazaqstanda barlyq jańashyldyq jáne ınnovasııa paıda bolǵanyn qoldaımyz. Sondyqtan da, búgingi jaǵdaıdyń odan ári túrli sıpatta órbýine qaramastan, bizdiń qazirgi jáne keleshek pasıentterimizdi taǵy da tynyshtandyrǵym keledi – eshqandaı da defısıt nemese ómirlik mańyzdy ótem qarajatynyń joqtyǵy bizge qaýip tóndirmeıdi, barlyq tapsyrystar oryndalatyn bolady.

Sońǵy jańalyqtar

Qarttar úıindegi qasiret

Aımaqtar • Búgin, 10:49

.Daǵdarys daýylyna tosqaýyl - J. Nurabaev

Ekonomıka • Búgin, 10:45

Fýtbol: Para aldy dep aıyptalýda

Sport • Búgin, 09:38

Úkimet otyrysy ótip jatyr

Úkimet • Búgin, 09:20

Kómek alý ońtaılandyrylady

Saıasat • Búgin, 08:25

Infeksııanyń taralý qarqyny tómendedi

Koronavırýs • Búgin, 08:05

Senimge serpin bergen málimdeme

Qoǵam • Búgin, 08:02

Alǵashqy vırtýaldy sot otyrysy

Saıasat • Búgin, 08:00

Ár azamat atsalysýy tıis

Rýhanııat • Búgin, 08:00

Koreıadan kelgen qyz

Rýhanııat • Búgin, 07:50

Irkilis bolmaıdy

Aımaqtar • Búgin, 07:45

Balalarymdy saǵynsam da...

Medısına • Búgin, 07:45

Qaýipti indetpen qalaı kúresýde?

Aımaqtar • Búgin, 07:45

Jemqorlyqpen kúres jalǵasyn tabýda

Saıasat • Búgin, 07:40

Apatpen oınamaıyq, oılanaıyq aǵaıyn...

Rýhanııat • Búgin, 07:40

Jeńildetilgen nesıe jetken joq

Ekonomıka • Búgin, 07:38

Kıdim kamzol

Rýhanııat • Búgin, 07:35

Daǵdarys daýylyna tosqaýyl

Ekonomıka • Búgin, 07:35

Fermerler ýaqytpen sanaspaıdy

Saıasat • Búgin, 07:35

Tótenshe toqsan

Qoǵam • Búgin, 07:30

El ekonomıkasy eleýsiz qalmaıdy

Saıasat • Búgin, 07:30

Sý tasqyny bastaldy

Aımaqtar • Búgin, 07:28

Jumys isteý úshin qajetti jabdyqtar

Aımaqtar • Búgin, 07:27

Halyqtyń birtutastyǵy

Tanym • Búgin, 07:16

Pálsapa – Bekzat sana

Rýhanııat • Búgin, 07:15

Daladaǵy dúbirge daıyn

Aımaqtar • Búgin, 07:15

Baǵany turaqtandyrýda oń nátıje bar

Ekonomıka • Búgin, 07:13

Uqsas jańalyqtar