Ásirese, Italııadaǵy jaǵdaı ýshyǵyp tur. Bir kúnde Apennın túbeginde 6557 adam koronavırýs juqtyrǵan. Osylaısha, osy eldegi naýqastanǵandar sany 53 myńnan asyp ketti. Sondaı-aq Italııada bir kúnde 793 adam ajal qushty. Álemdik pandemııa bastalǵaly mundaı kórsetkish alǵash ret tirkelip otyr.
Sonymen qatar Ispanııadaǵy, Fransııadaǵy, Germanııadaǵy, AQSh-taǵy ahýal da kóńil kónshitpeıdi. Atalǵan elderde bir kúnde naýqastanǵandar sany eki myńnan asyp ketken.
Buǵan deıin pandemııanyń negizgi oshaǵy sanalǵan Iran men Ońtústik Koreıada jaǵdaı turaqtalyp keledi. Iranda bir kúnde 966 adam aýyrǵan. Bul – keshegi kórsetkishten birshama az.
Aıta ketý kerek, qazirgi tańda koronavırýs álemniń 186 memleketi men terrıtorııasyna taraldy. Búginge deıin vırýs juqtyrǵandar sany 297 myńnan asqan. 12775 adam qaza tapsa, 95 myńǵa jýyǵy naýqastan qulan-taza aıyqqan.
