Barlyq avıajolaýshylarǵa koronavırýs dıagnozyn anyqtaıtyn saraptamadan ótpeıinshe qalaǵa kirýge qatań tyıym salynady. Medısınalyq qyzmetkerler qalaǵa ushyp kelgen azamattardy birden saraptamadan ótkizedi, saraptamanyń nátıjesi teris bolǵan jaǵdaıda ǵana kelgen azamattar qalada bola alady. Alaıda olar dárigerlerdiń baqylaýynda úı karantıninde bolady. Saraptama nátıjesi bir táýlik ishinde daıyn bolady.
Koronavırýstyq ınfeksııany tasymaldaýshylardy aldyn ala anyqtap, qala turǵyndary arasynda indettiń taralýyna jol bermeý qajet.
Elorda boıynsha koronavırýs dıagnozy 31 adamda rastalyp otyr. Ár adam boıynsha jumystar jasalýda, olarmen baılanysta bolǵan tulǵalar anyqtaldy. 22 naýryz kúni saǵat 00.00-den bastap elordaǵa kirip-shyǵýǵa tyıym salyndy. Poıyzdardyń qozǵalysy toqtatyldy.
