«Qalada karantın jarııalandy. 22 naýryz kúni saǵat 00-den bastap elordaǵa kirip-shyǵýǵa tyıym salynady. Biraq bul qalaǵa azyq – túlik pen qajetti taýarlardy tasymaldaýǵa esh kedergi keltirmeıdi. «Jasyl dáliz» júıesi jumys isteıdi. Taýarǵa ilespe qujattar, jeke kýálik, tehpasport sııaqty qujattar bolýy tıis. Kez-kelgen alypsatarlyq pen quqyq buzýshylyq áreketterdi boldyrmaımyz. Elordaǵa azyq-túlik taýarlaryn jetkizý árdaıym úılesimdi uıymdastyrylýy tıis. Áleýmettik mańyzy bar taýarlardyń baǵasyn turaqtandyrý úshin turaqtandyrý qory qurylyp, «Magnum», «Astyqjan», «Keńmart», «Small», «Shapaǵat», «Evrazııa» bazarlaryn jeńildikpen nesıelendirý boıynsha úlken jumys atqardyq, naýbaıhanalarǵa qoldaý kórsetip jatyrmyz», - dedi elorda ákimi Altaı Kólginov.
Sonymen qatar, elordanyń birqatar sýpermarketteri ataýly áleýmettik kómek alatyn otbasylarda tárbıelenip jatqan 1 jastan 6 jasqa deıingi balalarǵa azyq-túlik pen turmystyq hımııa taýarlaryn beredi. Kepildi áleýmettik kómek 4,4 myńnan astam balany qamtıdy.
