Osy kúni aımaqtaǵy 672 mektepke deıingi bilim berý uıymynyń 72% jekemenshik balabaqshalar. О́ńirde 3 pen 6 jas aralyǵyndaǵy balalardyń mektepke deıingi bilim berýmen qamtylý deńgeıi 100% qurady. Al jalpy orta bilim beretin 293 mektepte 161 469 oqýshy bilim alyp jatyr.
Habarlamashy qazirgi negizgi máseleniń biri retinde oblystaǵy bilim berý uıymdarynyń orys synyptaryndaǵy mamandar jetispeýshiligin aıtty.
Jyl saıyn qaladaǵy bilim berý uıymdarynda 20-ǵa jýyq orys tilinde bilim beretin bastaýysh synyp pedagogtary jetispeıdi eken.
– Orys synyptarynda fızıka, hımııa, bıologııa, matematıka pánderinen zeınetke shyqqan muǵalimder sabaq berip júr. Ásirese, aýyl mektepterinde orys tili páni mamandarynyń jetispeýshiligi alańdatady, – dedi ol.
Osyǵan baılanysty oblystyq bilim basqarmasy men Qorqyt ata atyndaǵy QMÝ orys tilinde sabaq beretin muǵalimderdi daıyndaý máselesin birlese qolǵa alyp otyr. Osy maqsatta 2020–2021 oqý jylyna pedagogıkalyq mamandyqtar boıynsha 25 rektor grantyn bólý qarastyrylǵan. Sonymen qatar, kolledjderde orys tilinde bastaýysh synyp pedagogtaryn daıarlaý úshin jergilikti bıýdjetten memlekettik tapsyrys bólýge sheshim qabyldanǵan.
