Aımaqtar • 22 Naýryz, 2020

Teatr ártisteri qala turǵyndaryna medısınalyq betperdelerdi tegin taratyp berdi

35 retkórsetildi

​Koronavırýstyq ınfeksııanyń taralýy sebebinen oryn alǵan jaǵdaıǵa baılanysty medısınalyq betperde suranysqa ıe buıymdardyń birine aınaldy.

M.Gorkıı atyndaǵy Memlekettik akademııalyq orys drama teatry taıaýda bastalǵan #BizBirgemiz chellendjin qoldap, búgin tigin sehy jumys oryndarynda 100-den asa med.betperde tigip, teatr ártisteri Ekaterına Maksım jáne Danıl Homko qala turǵyndaryna tegin taratyp berdi. Bul týraly teatrdyń baspasóz qyzmeti habarlady.
​Azamattar ótkizilip jatqan aksııaǵa senbeýshilik tanytqan edi. Alaıda, súıikti ártisterin tanyp, usynylǵan buıymdardy qýana qabyl aldy. 

Aıta ketý kerek, teatr tiginshileri óz áriptesterin de umytqan emes. Olarǵa da betperde tigilip, ystyq býmen óńdelgen soń, germetıkalyq paketke oratyldy. 

​Aksııa aıaqtalǵan soń teatrymyzdyń turaqty kórermenderi ákimshilikke alǵystaryn jetkizdi. Teatrdyń kóp jyldan beri kórermeni Marına Dosanovanyń aıtýynsha, elde qandaı qıyndyq bolǵanda da, ártister ony jeńip shyǵýǵa úlesterin qosýǵa daıyn turǵan, áli de daıyn tur. Ol tabıǵı apat, tótenshe jaǵdaı, tipti soǵys qımyldary bolsa da, shyǵarmashylyq adamdar qalys qalǵan emes. Teatr qyzmetkerleri bul chellendj qala turǵyndary arasynda qoldaý tapsa, qaıtalaýǵa daıyn ekenderin jetkizdi.

​Eske sala keteıik, Prezıdent Qasym-Jomart Toqaev azamattarymyzdyń óz densaýlyqtaryn kútip, med.betperde taǵý, antıseptık qoldaný mádenıetin áli de úıretý kerek ekenin basa aıtty jáne osyny qysqa merzimde oryndaý mindetin el úkimetine júktedi.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar