Úrjar aýdany, Maqanshy aýylynyń turǵyny, kópbalaly ana Rysaldy Muhametqalıeva bastaǵan analar qaýymy kópshilik qaýymǵa úlgi kórsetip, koronavırýstyq ınfeksııanyń aldyn alý maqsatynda birneshe márte paıdalanýǵa bolatyn maskalar tigip beretindinderin aıtqan. Analardyń bul usynysyna aýdan ákimdigi birden qoldaý bildirdi.
Tigilgen betperdeler aýdandaǵy áleýmettik jaǵynan az qamtylǵan analar men zeınetkerlerge tegin berilmek. «Elimizge kelgen mundaı ýaqytsha synaqty birge eńseremiz. Tek aýyzbirshiligimiz buzylmasyn», - deıdi kópbalaly ana.
Qazirgi tańda Maqanshy óńirinde Rysaldy bastaǵan kópbalaly analar betperde tigý jumystaryn bastap ketti. Jalpy, aýdanda koronavırýstyq ınfeksııanyń aldyn-alý boıynsha shuǵyl áreket etý toptary qurylyp, barlyq qaýipsizdik sharalary qolǵa alynyp, júzege asyrýda.
