Aımaqtar • 22 Naýryz, 2020

Almaty aýmaǵyna kirgizý úshin para alǵan qyzmetker jaýapqa tartyldy

1522 retkórsetildi

Almaty qalalyq Ákimshilik polısııa basshysy Jandos Muratálıev áleýmettik jeli qoldanýshylarynyń blok-beketterden qalaǵa kirý úshin azamattar aqsha berip ótkeni jaıyndaǵy shaǵymyna  jaýap qaıtardy.

Alǵashqy kúnderi túsinbeýshilik bolǵanymen, búginde blok-beketterdiń jalpy jumysy turaqtandy.  Muratalıevtiń aıtýynsha, qalaǵa kirgizý úshin 2000 teńge alǵan qyzmetker búginde ákimshilik jaýapkershilikke tartylǵan.

«Qazir qaladaǵy barlyq dárihana men belgili bir azyq-túlik nysandary jumys istegeni bolmasa, barlyq qyzmet kórsetý oryndary jabyq. Sondyqtan qalaǵa kirýdiń qajettiligi shamaly. Eger biz barlyq saqtyq sharalaryn saqtap, úıde otyratyn bolsaq, bul indetti tezirek aýyzdyqtaıtynymyz anyq. Bárińizge úıden shyqpaýǵa keńes beremin», dedi Jandos Muratálıev.

Sondaı-aq polısııa basshysy avtokóliktermen qalaǵa kirý ótken kúnderdegi sekildi tek tekserý júrgizilgennen keıin jáne Almatyda resmı tirkeýi bar azamattarǵa ǵana ruqsat etiletinin aıtty. Blok-beketter jumys istegen sátten beri qalaǵa 28 960 avtokólik (onyń ishinde, jeńil kólikter – 23 744, shaǵyn avtobýstar – 907, júk kóligi – 4309, barlyǵy 59 975 adam bolǵan) kirgen.

 – Almaty qalasynyń turǵyndary bolyp tabylmaıtyn 2765 avtokóliktiń ıeleri ártúrli sebepter boıynsha jol júrýden bas tartqan. Dese de, blok-beketter arqyly medısınalyq mekemelerdiń 8 385 qyzmetkeri, ákimdik qyzmetkerleri jáne qalanyń tynys-tirshiligin qamtamasyz etetin basqa da ókilder SES qyzmetkerleriniń tekserýinen ótedi. Eger olardan aýrý belgileri, joǵary dene qyzýy baıqalmasa, qalaǵa ótýine bolady, – dep atap ótti J. Muratálıev.

Avtokólikterdiń qaladan Almaty oblysyna qaraı kedergisiz júrýi júzege asyrylyp, búginde qaladan barlyǵy 23 555 avtokólik (onyń ishinde, jeńil kóliktiń sany – 19 392, shaǵyn avtobýstar – 746, júk kólikteri – 3417, onda 50 209 adam) shyǵyp úlgerdi.

 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar