Qyzylorda qalasyna qarasty aýyldyq okrýgterde kúrish orǵay naýqany jappaı bastalatyn shaq kún sanap jaqyndap keledi. Bul týraly qalalyq ákimdiktiń baspasóz hatshysy Baldyrǵan Mámen habarlady.
«Tamyz aıynyń sońynda kúrishti japapı orý bastalady, - dedi ol. – Kúrish qalaǵa qarasty aýyldyq okrýgterdiń 2377 gektar alqabyna egilgen. Ústimizdegi jyly olardy sýarýǵa baılanysty problemalar bolǵan joq. О́nim jaqsy bolýy tıis».
Qala ákimdiginde egin jınaý naýqanyna baılanysty sala basshylary men taýar óndirýshileriniń basqosýy boldy. Onda qalalyq aýyl sharýashylyǵy bóliminiń basshysy Qýanysh Ahmetov aýyl sharýashylyǵy qurylymdarynyń kúzgi egin jınaý naýqanyna daıyndyǵy jóninde habarlama jasady. Onyń aıtýynsha, qalanyń taýar óndirýshileri bıylǵy jyly 6717 gektar jerge egis daqyldaryn ekken. О́tken jyldarmen salystyrǵanda, egis kólemi 154 gektarǵa artsa, mal azyǵyndyq daqyldar egisiniń kólemi 890 gektarǵa ulǵaıǵan.
Kúrish sýyn tartý 5 tamyzdan beri júrip jatyr. Búgingi kúnge deıin 2377 gektar kúrish alqabynyń 80 gektar jeriniń sýy tartylǵan. Syr marjanyn jınaý jumystary 27 tamyzda bastalyp, bir aı ishinde tolyq aıaqtalady degen boljam bar.
– Bıylǵy egin jınaý naýqanyna, – deıdi aýyl sharýashylyǵy bóliminiń basshysy Q.Ahmetov, – 18 dana jatka, 27 dana kombaın, 42 dana traktor men 20 dana tirkeme, 6 dana avtokólik qatysady. Sondaı-aq naýqandyq jumysqa 267 adam qatysady dep mejelenýde.
Aıtsa aıtqandaı, búginde egin jınaýǵa qatysatyn aýyl sharýashylyǵy tehnıkalary saqadaı saı ázirlikte eken.
Qala ákimi Nurlybek Nálibaev sala basshylary men taýar óndirýshilerge el nesibesi – egindi jınaý naýqanyn zor daıyndyq, asqan uıymshyldyqpen ótkizýge baılanysty naqty tapsyrmalar berdi.
Seıitjan Qulymbaı.
