London Olımpıadasynyń chempıony, Sıdneı Olımpıadasynyń kúmis júldegeri Aleksandr Vınokýrovtyń velosıpedi Býrabaıda ótken qaıyrymdylyq aýksıonynda 3,5 mln. satyldy. Bul týraly Bnews.kz tilshisi habarlady.
Osylaısha ataqty veloshbandozdyń kóligi 23,3 myń dollarǵa baǵalandy. Aýksıonda «Rixos Lake Birovoe» oteli men Olımpıada chempıony Aleksandr Vınokýrov óz lottaryn usyndy. Olardan túsken qarjy Kókshetaý qalasyndaǵy oblystyq perınataldyq ortalyǵy balalardyń jansaqtaý bólimine zamanaýı medısınalyq qural-jabdyqtardy alýǵa jumsalatyn boldy.
Aýksıon qorytyndysynda «Rixos «oteliniń birneshe sertıfıkaty (400 myń teńgege) jáne Vınokýrovtyń 4 sport jeıdesi (45,100, 600, 750 myń teńgege) ózderiniń jańa ıelerin tapty. Bir aıtatyny, veloshabandoz óziniń basty jeńisterine osy jeıdelerimen jetken eken. Al sportshynyń birneshe márte jeńis tuǵyrynan kórinýine bastap aparǵan velosıpedi 3,5 mıllıon teńgege ótti. Sondaı-aq, A.Vınokýrov jarystyń 13 jastaǵy eń jas qatysýshysyna kitabyn syılady.
Qaıyrymdylyq sharasynyń uıymdastyrýshylary balalarǵa qajetti qural-jabdyqtardy alý úshin 11,5 mln. teńge jınaýdy josparlap otyr.
Sáken Maılybaı.
