Aımaqtar • 23 Naýryz, 2020

Jetisý eriktileri muqtaj jandarǵa kómek berýge jumylýda

43 retkórsetildi

Jetisý jastarynan quralǵan eriktiler toby da tótenshe jaǵdaıda jumys isteýge kóshti. Qazir oblystaǵy 17 aýdan men 3 qalada qaıyrymdylyq sharalary totqtaýsyz júrip jatyr. Jastar búginge deıin 520 arnaıy aksııa uıymdastyryp úlgergen.

Eriktiler negizinen eldi mekendegi ǵımarattar men adam kóp júretin kóshelerdi dezınfeksııa jasaýǵa qol ushyn berip, muqtaj otbasylarǵa azyq-túlik tasymaldaý, medısınalyq antıseptık, jeke gıgıenalyq zattar jáne maskamen qamtamasyz etýmen de aınalysýda.

Sondaı-aq «Meıirimdi Jetisý» eriktilerdiń front-keńsesinde táýlik boıy jumys isteıtin jedel jeli iske qosylǵan. Turǵyndar ortalyqqa áleýmettik jeli jáne telefon arqyly óz ótinishin aıtyp, kómek suraı alady. Búginge deıin 117 adam front-keńseni áleýmettik jelidegi paraqshasy arqyly kómek surasa, 78 adam jedel jelige qońyraý soqqan eken.

- Búginge deıin eriktilerdiń bastamasymen áleýmettik jaǵdaıy tómen, az qamtylǵan jáne kópbalaly otbasylar men jalǵyzbasty analarǵa, jalpy 357 otbasyna áleýmettik kómek kórsetilip, azyq-túlikpen qamtamasyz etildi. Oblystaǵy 1300 volonterdiń atsalysýymen 3000 maska tigilip, turǵyndarǵa taratyldy. Úıden shyǵyp, azyq-túlik alýǵa múmkindigi joq turǵyndarǵa kómek retinde jetkizip berý qyzmetine avtoeriktiler tartyldy, - deıdi Almaty oblystyq jastar saıasaty basqarmasynyń basshysy Jomart Qaratas.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar