«Qazirgi tańda Aqtóbe oblysynda koronavırýs ınfeksııasyna baılanysty epıdemıologııalyq jaǵdaı turaqty. Búginde oblysymyzda bir naýqasta koronavırýstyq ınfeksııa anyqtaldy. Ol naýqas 22 naýryz kúni Máskeýden ushyp kelgen. Naýqasty birden ınfeksııalyq aýrýhanaǵa oqshaýlaǵan edik. Zerthanalyq tekserý barsynda turǵynymyzdan koronavırýs ınfeksııasy anyqtaldy. Qazirgi ýaqytta naýqastyń jaǵdaıy turaqty. Qajetti emdik is-sharalar júrgizilip jatyr. Osy naýqaspen baılanysta bolǵan barlyq turǵyndardy oqshaýlaý jumysyn aıaqtadyq», - dedi Áset Qalıev.
Onyń dereginshe, Aqtóbe oblysynda stasıonarlyq karantınde 68, úı karantıninde 38 turǵyn jatyr. Olardyń barlyǵynyń jaǵdaıyn dárigerler kúndelikti baqylaýda ustap otyr.
«Biz kóshege shyǵýdy, qoǵamdyq oryndarǵa barýdy barynsha shekteý arqyly ǵana densaýlyǵymyzdy qorǵaı alamyz. Koronavırýs ınfeksııasymen kúrestiń eń tıimdi ádisi - adamdar arasyndaǵy baılanysty meılinshe azaıtý. Uıymdardyń, mekemelerdiń, úlken saýda oryndarynyń, emdeý mekemeleriniń basshylary sanıtarlyq normalardy qatań saqtaýymyz tıis», - dedi ol.
