Ekonomıka • 23 Naýryz, 2020

Bankter 8 paıyzben nesıe beredi

245 retkórsetildi

Ulttyq bank jeńildikpen kredıtteý baǵdarlamasyn ázirledi. Ol  jeke kásipkerlerge 12 aıǵa deıingi merzimge beriledi. «Ulttyq bank shaǵyn jáne orta kásipkerlerdi jeńildikpen kredıtteý baǵdarlamasynyń bekitilgenin málimdedi», dep habarlady  banktiń resmı saıty.

Banktiń málimetinshe jańa baǵdarlama koronavırýs pandemııasyna jáne onyń Qazaqstan ekonomıkasyna teris yqpalyna baılanysty tótenshe jaǵdaı saldarynan zardap shekken kásipkerlerdi qoldaý úshin jasaldy.

Buǵan deıin Prezıdent Qasym-Jomart Toqaev ta tıisti tapsyrma bergen. Osylaısha Ulttyq bank qarjy naryǵyn retteý jáne damytý agenttigimen birlesip shaǵyn jáne orta kásipkerlik sýbektilerin jeńildikpen kredıtteý baǵdarlamasyn ázirledi.

«Baǵdarlamany iske asyrý úshin ekinshi deńgeıli bankterde negizdelgen salymdardy ornalastyrý arqyly 600 mıllıard teńge bólindi. Bıznesti qoldaý tetigi ekinshi deńgeıli bankterdiń tótenshe jaǵdaıdyń engizilýi saldarynan zardap shekken shaǵyn jáne orta kásipkerlik sýbektilerine, jeke kásipkerlerge 12 aıǵa deıingi merzimmen jyldyq 8%-dan aspaıtyn mólsherleme boıynsha aınalym qarajatyn tolyqtyrýǵa jeńildikpen kredıtter berý arqyly iske asyrylady»  delingen resmı habarlamada.

Ekinshi deńgeıli bankter bólingen qarajatty 3 aıdyń ishinde ıgerýi tıis. Baǵdarlamanyń operatory – Ulttyq bank janyndaǵy «Qazaqstannyń ornyqtylyq qory»  AQ.

Kredıtter 13 bank arqyly beriledi.

«Baǵdarlamaǵa qatysýshy bankterge bólingen qarajatty memlekettik jáne memlekettik emes baǵaly qaǵazdardy satyp alýǵa, basqa banktterdegi depozıtterge ornalastyrýǵa, shetel valıýtasyn satyp alýǵa jáne ózge de maqsatqa paıdalanýǵa tyıym salynady. Qazaqstan qarjy naryǵyn retteý jáne damytý agenttigi «Qazaqstannyń ornyqtylyq qory» AQ-men birlesip kásipkerlerge berilgen jeńildikti kredıtterdiń ýaqytyly jáne nysanaly paıdalanylýyna aı saıynǵy negizde monıtorıng júrgizedi» delingen birlesken málimdemede.

Buǵan  deıin Qazaqstan Prezıdenti Qasym-Jomart Toqaev daǵdarys jaǵdaıynda memleketke problemalardy jedel sheshýge múmkindik beretin jarlyqqa qol qoıdy.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar