«Karantın kezinde belgili talaptardy buzǵandar úshin jaza engizý qajettigi týyndap otyr. Azamattardyń qaýipsizdigin qamtamasyz etý úshin meniń Jarlyǵymmen adamdar kóp jınalatyn nysandardyń qyzmeti shektelip, ártúrli is-sharalar ótkizýge tyıym salynǵan bolatyn. Alaıda shekteýdiń jıi buzylatyndyǵyn kórip otyrmyn», dedi Qasym-Jomart Toqaev.
Memleket basshysynyń aıtýynsha, 16 naýryzdan beri Aqmola, Atyraý, Shyǵys Qazaqstan, Qaraǵandy, Qostanaı, Pavlodar, Soltústik Qazaqstan jáne Túrkistan oblystaryn qosa alǵanda tótenshe jaǵdaı rejımin buzýdyń 18 faktisi oryn alǵan.
«Kináliler eskertý nemese aıyppul túrindegi ákimshilik jaýapkershilikke tartyldy. Barynsha qatań sansııalarǵa kóshetin kez keldi. Sonymen qatar mundaı faktilerdi aldyn alý maqsatynda BAQ-ta keńinen jarııalaý kerek», dedi Prezıdent tótenshe jaǵdaı jónindegi memlekettik komıssııanyń otyrysynda.
