Kıno • 23 Naýryz, 2020

Ulttyq kınony memlekettik qoldaý ortalyǵynyń karantındegi ómiri

27 retkórsetildi

Naýryz aıy Kıno ortalyǵynyń qyzmetkerleri men kınojobalardy túsirip jatqan toptardyń da talaı josparyn túpkilikti ózgertip otyr.

Nur-Sultan jáne Almaty qalalarynda jarııalanǵan karantın kezeńinde Kıno ortalyǵy komandasy qashyqtan jumys isteý tártibine aýysty. Josparlanǵan kezdesýler men májilister ádettegi kestemen, biraq onlaın rejımde ótkizilýde.

Qazirgi kúnderi Kıno ortalyǵynyń naýryz aıyndaǵy jańalyqtary tómendegideı bolyp tur.

Eń basty oqıǵa onlaın rejıminde ótkizilgen kınojobalardyń ekinshi pıtchıngi boldy. Sarapshylar keńesi oǵan deıin 4 aı ishinde 223 ótinimdi qaraǵan bolatyn. Endi iriktep alynǵan jobalar Vedomstvoaralyq komıssııaǵa jiberilip, komıssııa memleket tarapynan qarjylandyrýǵa úmitker fılmderdiń eń sońǵy tizimin bekitedi.

70-shi Berlın kınofestıvaline qatysyp, Kazakh Sinema stendi alǵash ret kórmege qoıǵan Kıno ortalyǵy elimizdiń kıno ónerin bedeldi degen kıno forýmdary men kono alańdaryna shyǵarýdy josparlap otyrǵan-dy.

Alaıda, koronavırýs pandemııasyna baılanysty karantın jarııalanýy saldarynan jýyrda ótkizilýi kerek bolǵan kınofestıvalder keıinge qaldyryldy. Qazaqstan birneshe kıno jobasyn usynǵan Kann festıvali de josparlanǵan ýaqytta ótkizilmeıtini belgili bolyp otyr.

Sonymen qatar koronavırýs pandemııasy men Qazaqstanda engizilgen TJ tártibine baılanysty Kıno ortalyǵy qarjylandyryp otyrǵan birqatar fılmderdi túsirý ýaqytsha toqtatyldy. Olardyń qatarynda Qanaǵat Mustafınniń «Qajymukan» fılmi, Aqan Sataevtyń «Boksshy» fılmi jáne Emır Baıǵazınniń «Tańdaý» fılmi bar.

Degenmen, oqshaýlanýǵa májbúr bolǵanyna qaramastan, «UKQMO» QEAQ tóraıymy Gúlnar Sársenova bastaǵan Kıno ortalyǵynyń qyzmetkerleri ortalyqtyń eń basty mindeti – qazaqstandyq kınony álemge tanytýǵa jáne kórermenderdiń múddelerin oılaýǵa nazar aýdarý dep biledi.

Karantın kezeńinde bos ýaqytty qolaıly ári paıdaly ótkizý úshin, Kıno ortalyǵynyń veb-saıty men áleýmettik jeli paraqtarynan qaraýǵa múmkindik beretin belsendi áreketter iriktelip, qoıyldy.

Esterińizge sala keteıik, onlaın-kınoteatrlar men kınoplatformalar qazaqstandyq fılmderdiń arnaıy toptamasyn usynyp otyr. Sonymen búginde úıde ótkizip jatqan kanıkýlymyz – otandyq kınematografqa baǵa beretin kezeń sııaqty.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar