Aımaqtar • 23 Naýryz, 2020

Tótenshe jaǵdaıdaǵy Qaraǵandy: ýaqytty kim qalaı ótkizýde?

774 retkórsetildi
  1. Serik Aqsuńqaruly,

aqyn, Qazaqstannyń eńbek sińirgen qaıratkeri:

Mundaı jaǵdaı tarıhta bolǵan. Mysaly, Pýshkınniń zamanynda «Tyrysqaq» degen indetke baılanysty karantın jarııalanyp, aqyn óziniń nebir jaýhar dúnıelerin «Boldıno kúzi» degen atpen belgili sol kezeńde dúnıege keltirgen. Sondyqtan, bul ýaqytty da tıimdi paıdalanýǵa bolady. Áıtse de, mende ýaıym degen basym, el-jurt úshin alańdaımyn. Qazir bas almaı kitap oqyp jatyrmyn...

Tótenshe jaǵdaı – el-jurtty indetten aman alyp qalýdyń basty amaly! Tarıhtyń talaı synynan aman-saý ótken Alash eli bul synaqtan da súrinbeı ótetinine senimimiz kámil!

Árbir Qazaqstan azamaty tótenshe jaǵdaı kezindegi qatań tártipti saqtap, bir jerden sóz, bir jaǵadan bas shyǵarýy kerek! Panıka-dúrbeleńge jol bermeı, tártipke baǵynýymyz kerek! Sabyr túbi – sary altyn, aıaýly Alash jurty!

Tótenshe jaǵdaı kezinde kóńili alań Alash elin odan saıyn alań oıǵa salyp, áleýmettik jelilerde jalǵan habar taratyp, dúrbeleń týǵyzǵysy keletinderdi jaýapqa tartý kerek! Eldi alataıdaı búldirýge, múlde jol bermeýimiz qajet!

Bizdiń kúsh, qýatymyz – ulttyq birlikte!

 1

  1. Qoılybaı Asanuly,

E.Bóketov atyndaǵy QarMÝ-dyń professory, fılologııa ǵylymdarynyń doktory:

Ýnıversıtette professor bolǵandyqtan dáristerimizdi, sabaqtarymyzdy onlaın tártibi boıynsha júrgizip jatyrmyz. Qalaı bolǵan kúnde de shákirtterimizben tikeleı baılanys bar.

Búkil álemdegi, bizdiń Qazaqstandaǵy ahýal osyndaı bolyp tur ǵoı. Sondyqtan, tártipke baǵynamyz, baǵynýǵa tıistimiz de. Árıne, bir aı úıde otyrý degenińiz adamnyń kóńil-kúıine keri áserin tıgizedi. Degenmen, shyǵarmashylyq adamdaryna bul asa tıimdi dep esepteımin. Aıaqtalmaǵan jumystar, oıǵa alǵan jobalar bolady, sonyń bárin aıaǵyna jetkizýge bul taatyrmaıtyn múmkindik degen oıdamyn.

Jasyratyny joq, úıdiń aldyna shyǵyp, azyraq serýen quryp turamyz. Biraq, qonaq shaqyrýdy, qonaqqa barýdy toqtata turǵan jaıymyz bar.

 1

  1. Temirhan Abylaev,

Qaraǵandy oblystyq dene shynyqtyrý jáne sport basqarmasynyń basshysy:

Memlekettik organnyń basshysy bolǵandyqtan úıde jaıbaraqat otyrýǵa múmkindik te, ýaqyt ta joq. Tańerteńnen keshke deıin jumystamyz. О́ıtkeni, qazirgi jaǵdaı sony bizden talap etedi. Árıne, qazir onlaın-rejımde, áleýmettik jeliler arqyly jumysty kúsheıtip jatyrmyz. Tótenshe jaǵdaıǵa baılanysty qazirgi jumystyń baǵyty ózgergen, joǵarydan tyń tapsyrmalar túsedi, jaýapkershilik eselep kúsheıgen.

Al endi, bos ýaqyt bolyp jatsa, kitap oqyǵanǵa ne jetsin?! Máselen, qan maıdanda júrip te Qasym Qaısenov, Baýyrjan Momyshuly syndy batyr atalarymyz shyǵarmashylyqty toqtatpaǵan ǵoı. Shyǵarmashylyq jumys árqashanda toqtamaýy kerek.

Negizi, bul úlken synaq, budan sabaq alýǵa tıistimiz. Túbi qaıyrly bolsyn dep tileıik!

 1

  1. Dýman Ábdiramanov,

«Qazsınk» JShS ashyq ken oryndary boıynsha bas taý-ken ınjeneri:

О́tken aptadan beri úıde otyryp jumys isteýge kóshtik. Taý-ken oryndarynda dıspetcherlik beketter bar, aqparattyq tehnologııanyń damyǵan zamanynda solarmen tyǵyz baılanysqa shyǵyp, qajetti materıaldardy alyp otyramyz. Jalpy, beınekameralar arqyly jumysty tolyq baqylaýǵa múmkindik bar. Biraq, el-jurtty kózben kórip, aralasa jumys istegenge ne jetsin?!

Bizdegi ashyq taý-ken oryndary, atap aıtqanda «Jáırem ken-baıytý kombınaty» jáne «Altyn taý-Kókshetaý» kásiporyndary bári qalypty jumys istep tur. Negizgi tehnologııada jumys isteıtin mamandar keste boıynsha eńbek etýde. Al keńsedegi qyzmetkerler barynsha onlaın-rejımde jumys isteýge kóshirilip jatyr.

Jalpy, ken oryndarynda sanıtarlyq-gıgıenalyq tártipke óte qatty mán berilýde. Dezınfeksııalyq is-sharalar tolyqqandy túrde júzege asyrylyp jatyr.

 1

  1. Bekzat Altynbekov,

mesenat, Qaraǵandy oblystyq máslıhatynyń depýtaty:

Bul jaǵdaıdy men Qazaqstanda turatyn ult pen ulystardyń basyn biriktiretin uly synaq dep qabyldaımyn. Dál osy syndarly shaqta bizdiń azamattyǵymyzdyń, otansúıgishtigimizdiń qandaı dárejede ekendigi anyq  kórinis tabady.

Qaramaǵymyzdaǵy qyzmetkerlerdiń barlyǵyn da demalysqa jiberdik. Olardyń eńbekaqylary 100 paıyz saqtalady. Koronavırýs indetiniń aldyn alý is-sharalaryna da óz úlesimizdi qosyp, egde adamdarǵa, az qamtylǵan jáne kópbalaly otbasylaryna medısınalyq maskalardy tegin taratý aksııalaryna qatystyq.

Jalpy, tótenshe jaǵdaı jarııalanǵan ýaqyttan beri otbasy múshelerine kóbirek ýaqyt bólip, balalarymyzben aradaǵy qarym-qatynasty kúsheıtip jatqan jaǵdaıymyz bar. Qyzmet, jumys dep shapqylap júrip, bul mańyzdy máselege jetkilikti mán bere qoımaǵan ekenbiz. Sonyń orynyn toltyrýdyń múmkindigi endi keldi. «Bir jamandyqtyń artynda bir jaqsylyq bar» degen osy.

 1

  1. Erjan Bazarbekov,

Q.Baıjanov atyndaǵy Qaraǵandy oblystyq fılormanııasynyń ánshisi, J.Elebekov atyndaǵy III respýblıkalyq án konkýrsynyń gran-prı ıegeri:

Qazaq jaman aýrýdyń atyn atamaǵan. Mynaý «jaman tumaý» álemge  tarap, eldiń ýaıymdap otyrǵany ras. El basshylary, qaımana qazaq bolyp, bir jaǵadan bas, bir jeńnen qol shyǵaryp, bul qıyndyqqa qarsy tura bilýimiz kerek.

О́ner adamy retinde senbi-jeksenbi kúnderi úıde otyrmaýshy edik. Qazaqtyń toıy bitpegen ǵoı. Úlken merekelerde konserttik sharalar bolyp, sahnalarda án aıtyp jatýshy edik. Qazir munyń bári shektedik. Degenmen, qarap jatpaıyq, qańtarylyp turmaıyq degen nıetpen «Qonǵanyń, óner shirkin, beker me edi» dep babalyrymyz aıtqandaı, biz de hal-qaderimizshe áleýmettik jeliden án joldap, halqymyzdyń kóńilin kóterýge tyrysyp jatyrmyz.

1

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar