Aımaqtar • 23 Naýryz, 2020

Jambyl oblysynda shet elderden kelgender oqshaýlanýda

295 ret

kórsetildi

1 mın

oqý úshin

Jambyl oblystyq densaýlyq saqtaý basqarmasynyń málimetinshe, búgingi tańda óńirde koronavırýs ınfeksııasyn juqtyrý deregi tirkelmegen. Basqarma júrgizgen monıtorıngke sáıkes, oblysta aǵymdaǵy jylǵy 23 naýryz kúngi jaǵdaı boıynsha Italııa syndy 1A sanatyndaǵy elderden kelgen 3 azamat karantındik stasıonarǵa oqshaýlansa, 1B sanatyndaǵy elderden kelgen 17 azamat úı karantınine oqshaýlanǵan. Al, Fılıppın, Katar, Úndistan, Birikken Arab Ámirlikteri, Ulybrıtanııa, Ázirbaıjan, Taıland, AQSh sııaqty 2-sanattaǵy elderden kelgen 18 azamat medısınalyq baqylaýǵa qońyraý shalý arqyly alynǵan.

Hamıt ESAMAN

Jambyl oblysynda shet elderden kelgender oqshaýlanýda

«Shet elden kelgen tulǵamen qatynasta bolǵan 1 tulǵa ınfeksııalyq stasıonarǵa jiti respıratorlyq vırýstyq ınfeksııasynyń belgileri bolýyna baılanysty jatqyzyldy. Koronavırýstyq ınfeksııaǵa qan taldaýynyń nátıjesi teris. Kelgen tulǵalar úshin karantındik stasıonarda 7 adam qalýda. Koronavırýstyq ınfeksııasymen aýyrǵan naýqaspen baılanysta bolǵandarǵa arnalǵan karantındik stasıonarda 17 adam. Barlyǵy 25 tulǵa, olardyń densaýlyq jaǵdaılary qanaǵattanarlyq», deıdi oblystyq densaýlyq saqtaý basqarmasynyń basshysy Marat Jumanqulov.

Sonymen qatar úı karantıninde barlyǵy 56 tulǵa bolsa, onyń ishinde 1B kategorııaly elderden kelgen 32 tulǵa bar. Koronavırýspen aýyrǵan naýqaspen baılanysta bolǵan tulǵalarmen qatynasta bolǵan 24 azamat baqylaýda tur eken.

Jambyl oblysy