Sport • 23 Naýryz, 2020

Kanada jáne Aýstralııa jazǵy Olımpııa oıyndaryna barýdan bas tartty

41 retkórsetildi

Atalǵan elderdiń Ulttyq Olımpıada komıteti Tokıoda ótetin Olımpıadany koronavırýs indetine baılanysty bir jylǵa shegerýdi usynyp jatyr.

Eger tórt jyldyqtyń basty dodasy josparlanǵan ýaqytta óter bolsa, Kanada men Aýstralııanyń Olımpıada jáne Paralımpıada komıteti Tokıoǵa sportshylaryn jiberýden bas tartyp otyr.

Kanada Olımpıada jáne Paralımpıada komıteti Halyqaralyq Olımpıada komıteti (HOK), Halyqaralyq Paralımpıada komıteti men Dúnıejúzilik densaýlyq saqtaý uıymyna (DDSU) Olımpııa oıyndaryn bir jyl keıinge shegerý týraly usynys jasady.

Sonymen qatar AOK Atqarýshy keńesiniń otyrysynda Aýstralııa sportshylary shetelde jáne eldiń basqa aýdandarynda daıyndalatyndyqtan, qazir jattyǵý jumystary toqtap turǵanyn, sportshylar men olardyń mańaıyndaǵy adamdardyń densaýlyǵy birinshi orynda ekenin alǵa tartyp, Tokıodaǵy Olımpııa oıyndaryna bara almaıtynyn málimdedi.

Kanada men Aýstralııanyń izin ala Irlandııanyń Olımpıadalyq komıtetiniń bas dırektory Pıter Sherrard ta Olımpıadany kelesi jyly ótkizýdi qoldaıtynyn jetkizdi.

Aıta keteıik, 2016 jyly Brazılııada ótken jazǵy Olımpııa oıyndaryna Kanadadan 314 sportshy qatysyp, 22 medal jeńip alsa, Aýstralııadan 421 sportshy baq synap, 29 júlde oljalaǵan-dy.  

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar