«Tótenshe jaǵdaı ýaqytynda jeke kýáligi joq Qazaqstan azamattary, Qazaqstan aýmaǵynda ýaqytsha turatyn sheteldikter, azamattyǵy joq tulǵalar ákimshilik jaýapkershilikke tartylmaıdy. Bul koronavırýs ınfeksııasy taralýynyń aldyn alý, ıaǵnı azamattar halyqqa qyzmet kórsetý ortalyqtaryna kelmeýi úshin jasalyp otyr» delingen Batys Qazaqstan oblystyq polısııa departamenti taratqan aqparatta.
Tótenshe jaǵdaı rejımin qamtamasyz etý jónindegi memlekettik komıssııanyń sheshimimen azamattardyń qolyndaǵy jeke basyn kýálandyratyn qujattardyń kúshi merzimi ótkenine qaramastan saqtalady.
Iаǵnı, Qazaqstan Respýblıkasy azamatynyń jeke kýáligi men tólqujaty, azamattyǵy joq tulǵanyń kýáligi, sheteldiktiń el aýmaǵynda turýǵa berilgen qujaty tótenshe jaǵdaı ýaqytynda merzimi aıaqtalsa da kúshin joımaıdy.
«Esterińizde bolsyn, bul shara Qazaqstan Respýblıkasy aýmaǵynda engizilgen tótenshe jaǵdaıǵa baılanysty ýaqytsha jasalyp otyr» delingen baspasóz paraǵynda.
Batys Qazaqstan
