Álem • 24 Naýryz, 2020

Dúnıejúzilik densaýlyq saqtaý uıymynyń basshysy koronavırýstyń jedel taralýda ekendigin eskertti

1389 retkórsetildi

Dúnıejúzilik densaýlyq saqtaý uıymynyń basshysy Tedros Gebreıesýs koronavırýs indetiniń jedel taralýǵa kóshkendigin álem elderiniń nazaryna saldy. Bul jaıynda búgin Interfaks agentigi habarlady.

«Dúnıejúzilik densaýlyq saqtaý uıymy koronavırýs dertine shaldyqqandar sany 300 myńnan asqandyǵy týraly habar alyp otyr. Indet qarqyndy túrde taralý ústinde. Bul problema bul kúnde álemniń barlyq elderin qamtydy» dedi ol Jenevada ótken baspasóz máslıhatynyń barysynda.
Halyqaralyq uıym basshysynyń málimdeýinshe, koronavırýsqa shaldyqqan birinshi júz myń adamdyq shekke jetkenge deıin 67 kún qajet bolǵan.

Al 300 myń adamdyq shekke deıin jetý úshin indetke bar bolǵany 11 kún ǵana qajet boldy. Demek indettiń taralýy qarqyndy sıpat alýda jáne ol osy qysqa merzim ishinde álemniń barlyq elderine jaıylyp úlgirdi.
Halyqaralyq uıym basshysy osy jaǵdaıdy aıta kele elderdi barynsha saq bolýǵa jáne onymen kúresti kúsheıtýge shaqyrdy.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar