Aımaqtar • 24 Naýryz, 2020

Shamalǵan aýylynda tótenshe jaǵdaı kezinde kókpar uıymdastyrǵandar jaýapqa tartyldy

314 ret kórsetildi

Tótenshe jaǵdaı tártibinde kókpar uıymdastyrǵan Almaty oblysynyń turǵyny jaýapkershilikke tartyldy. Bul týraly Oblystyq polısııa departamentiniń baspasóz qyzmeti habarlady.



Áleýmettik jelini zerdeleý kezinde Almaty oblysynyń polısııasy ǵalamtor jelisinen Almaty oblysynyń aýmaǵynda bir top azamattyń oblystaǵy eldimekenderdiń birinde jaıaý júrginshiler men kólik júrgizýshilerge qaýip tóndirip, kóshede kókpar tartqany týraly beınejazbany tapty.

Anyqtaý barysynda oqıǵanyń bıylǵy 23 naýryz kúni saǵat 17.00 shamasynda Shamalǵan aýylynyń Jibek joly kóshesinde túsirilgeni belgili boldy.

«Qazirgi ýaqytta ulttyq oıynnyń uıymdastyrýshysy anyqtaldy. Ol 27 jastaǵy jergilikti turǵyn bolyp shyqty. Jasaǵan áreketi boıynsha quqyq buzýshynyń qazirgi tótenshe jaǵdaıdyń aýqymdylyǵy men mańyzdylyǵyn sezinbegeni belgili. Onyń sózinshe, ol kókpardy «Naýryz merekesine» oraı uıymdastyrǵan. Degenmen, elimizde tótenshe jaǵdaı jarııalanǵanyn bile tura, ol qoǵamdyq sharaǵa uıytqy bolǵan. Sonymen qatar, ulttyq oıyn eldimekendegi joldyń boıynda uıymdastyrylǵan, ıaǵnı ol zańnama talaptaryn óreskel buzý bolyp tabylady», - dep habarlady Qarasaı APB basshysy Ashat Danııar.

Sońǵy jańalyqtar

Qazaqy ıtterdi ulttyq sportqa ıkemdeý qajet

Rýhanııat • Búgin, 09:27

Qazaqstanda 65 adamnan koronavırýs anyqtaldy

Koronavırýs • Búgin, 09:14

Uqsas jańalyqtar