Bul týraly G20 telekonferensııasynda Halyqaralyq valıýta qorynyń basshysy Krıstalına Georgıeva málimdedi. «Koronavırýs pandemııasyna baılanysty qazirgi tańda kóptegen eldiń bankteri saıasatyn ózgertip, el jaǵdaıyna oraı áreket etip otyr. Vırýstyń taralýyna baılanysty adam shyǵyny kóp. Ekonomıka da quldyraı bastady. Osyǵan baılanysty álem elderi kúsh jigerin indetti jeńýge jumyldyryp, neǵurlym eknomıkalyq shyǵyndy shekteýge umtylýy tıis» dedi ol.
Álemdik ekonomısterdiń boljamynsha, COVID-19 vırýsynyń zardabyn ekonomıka salasy áli de tartady. Vırýs neǵurlym jyldam aýyzdyqtalsa, soǵurlym ekonomıka tez qalpyna kelmek. Qazirdiń ózinde álemniń 80-ge jýyq eli Halyqaralyq valıýta qorynan kómek suraǵan. Olardyń máselesin ońtaıly sheshý úshin qor birqatar halyqaralyq qarjy ınstıtýttarymen birlesip, jumystar júrgizýde.
Mamandardyń pikirinshe, dúnıejúzin dúrbeleńge salǵan pandemııa ekonomıkasy qarqyndy damyǵan elderden góri damýshy elderdiń ekonomıkasyna orasan shyǵyn ákelmek. Degenmen de quldyraǵan ekonomıka 2021 jyly qaıtadan qalpyna keledi, deıdi ekonomıster.
Qymbat NURǴALI
