Prezıdent • 24 Naýryz, 2020

Prezıdent QHR tóraǵasy Sı Szınpınmen telefon arqyly sóılesti

149 retkórsetildi

Búgin Memleket basshysy Qasym-Jomart Toqaev QHR Tóraǵasy Sı Szınpınmen telefon arqyly sóılesti. Qazaqstan Prezıdenti koronavırýs pandemııasynyń taralýyn aýyzdyqtaý jónindegi Qytaı basshylyǵynyń batyl ári júıeli is-qımyldaryn joǵary baǵalady. Bul týraly Aqordanyń baspasóz qyzmeti habarlady.

- Búkil álem Qytaı medısınasynyń zor áleýeti men dárigerleriniń joǵary kásibıligine tánti boldy. Jalpy, Qytaı Sizdiń basshylyǵyńyzben ortalyqtandyrylǵan basqarýshylyq júıeniń zor áleýetin jáne daǵdarys jaǵdaıyn tıimdi sheshýge qabiletti ekenin kórsetti, - dedi Prezıdent.

Qasym-Jomart Toqaev Qazaqstannyń strategııalyq seriktestik baǵytyn odan ári nyǵaıta berýge nıetti ekenin jetkizdi. Onyń pikirinshe, osy oraıda byltyr qyrkúıekte Beıjińde qol qoıylǵan Qazaqstan men Qytaı arasyndaǵy uzaq merzimdi jáne jan-jaqty strategııalyq seriktestik týraly deklarasııanyń máni zor.

- Kórshiles elderimizben aradaǵy osyndaı yntymaqtastyq Qazaqstan men Qytaı halyqtarynyń ejelgi múddelerine sáıkes keledi dep senemin. Biz ekonomıkalyq jáne gýmanıtarlyq salalarda ózara tıimdi ári paıdaly jobalar jasaýǵa kúsh salýymyz qajet, - dep sanaıdy Qasym-Jomart Toqaev.

Prezıdent eki eldiń BUU-daǵy, Shanhaı yntymaqtastyq uıymyndaǵy, Azııadaǵy О́zara Yqpaldastyq jáne Senim sharalary jónindegi Keńestegi tabysty yntymaqtastyǵyn oń baǵalap, sondaı-aq, «Bir beldeý - bir jol» mega jobasynyń aıasynda Uly Jibek joly tujyrymdamasyn odan ári iske asyrý barysyndaǵy is-qımyldardyń mańyzy zor ekenin atap ótti.

Sı Szınpın koronavırýstyń taralýy barlyq el úshin kútpegen synaq bolǵanyn aıtty. Qytaı pandemııaǵa qarsy álemdik kúreske úlken úles qosty. Qytaı basshysy bul iste áli tolyq jeńiske jettik dep sanamaıdy. Indettiń ekinshi márte qaıtalanbaýy úshin qosymsha sheshimder qabyldaý qajet. QHR Tóraǵasy Sı Szınpın Qazaqstan men onyń basshylyǵyna Qytaıǵa koronavırýske qarsy kúreste kórsetken naqty qoldaýy úshin rızashylyq bildirip: «Sizder «dos qıyn sátte synalady» degen maqaldyń durys ekenin anyq kórsettińizder. Qytaı óz tarapynan Qazaqstandy medısınalyq jabdyqtarmen qamtamasyz etip, gýmanıtarlyq kómek kórsetýge daıyn», - dedi.

Qytaı memleketiniń basshysy Qazaqstan Prezıdentiniń tótenshe jaǵdaı kezindegi kóshbasshylyq qasıetin joǵary baǵalap, onyń batyl ári der kezinde qabyldanǵan sharalaryna toqtaldy. Sı Szınpınniń aıtýynsha, pandemııada memlekettik shekara degen bolmaıdy, búkil álemge óte jyldam qarqynmen taralýda. Sondyqtan «Adamzattyń tarıhı taǵdyry bir» tujyrymynyń ózektiligi artyp keledi. Atalǵan tujyrymǵa sáıkes barlyq memleket kúlli halyqaralyq qoǵamdastyqty órkendetý jolynda kúsh-jigerin biriktirýi tıis.

- Indet keledi, ketedi. Al dostyq pen yntymaqtastyq - máńgilik qundylyqtar, - dedi QHR Tóraǵasy.

Onyń pikirinshe, Qytaı men Qazaqstan barlyq saladardaǵy, ásirese qarjy, ındýstrııalyq jáne sıfrlyq tehnologııalar sııaqty mańyzdy baǵyttardaǵy yntymaqtastyqty arttyra alady.

Áńgime sońynda Sı Szınpın Elbasy Nursultan Nazarbaevqa júrek jardy sálemin joldady.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar