Aımaqtar • 25 Naýryz, 2020

Túrkistanda azyq-túlik nege qymbattady?

269 retkórsetildi

Sońǵy kúnderi oblys ortalyǵy Túrkistanda birqatar azyq-túlik baǵasynyń ósýi baıqalǵan bolatyn. Osyǵan baılanysty oblys ákimi О́mirzaq Shókeevtiń tapsyrmasyna sáıkes áleýmettik mańyzy bar azyq-túlik taýarlary baǵasynyń tótenshe jaǵdaıǵa baılanysty kóterilýin boldyrmaý jáne onyń aldyn alý sharalaryn qabyldaý maqsatynda mobıldi top quryldy.

Túrkistan qalasyndaǵy  «Qýanysh» jáne «Altyn bulaq» bazarlarynda kórshi oblystardyń kóterme satyp alýshylarynyń iri kólemde azyq-túlikti syrtqa áketýinen negizgi áleýmettik mańyzy bar taýarlardyń baǵasy 30-40 teńgege (40-60 paıyz) qymbattap, taýar tapshylyǵy oryn alǵany anyqtaldy. Oblys ákiminiń orynbasary Meıirjan Myrzalıevtiń jetekshiligindegi mobıldi top óńirdegi saýda nysandardaǵy baǵanyń kóterilýin boldyrmaý is-sharalar josparyn bekitip, tolyq quramda bazarlarǵa shyqty. Barlyq kɵterme taratýshylarmen satý baǵasy belgilendi. Kentaý, Otyrar jáne Sozaq aýdandarynan kelgen kɵterme satyp alýshylarǵa qajetti kɵlemin tɵmen baǵamen tıep əketýge jaǵdaı jasaldy.

r

Sondaı-aq mobıldi top Túrkistan qalasyndaǵy birqatar sýpermarketterdi aralap,  azyq-túlik dúkenderdiń qalypty rejımde qyzmet istep jatqandyǵyn, azyq-túlik qorynyń jetkilikti ekendigin jəne baǵalardyń negizsiz ɵsimi oryn almaǵandyǵyna kɵz jetkizdi. Baǵa ósý faktileri boıynsha Básekelestikti qorǵaý jáne damytý departamenti tarapynan tıisti sharalar qabyldandy. Azyq-túlik taýarlarynyń baǵasyn ósirmeý jáne jasandy tapshylyqqa jol bermeý jóninde túsindirý jumystary júrgizildi. Tɵtenshe jaǵdaı kezeńindegi talaptardyń oryndalýyn qatań saqtaý eskertildi.

 

Túrkistan oblysy

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar