Bilim • 25 Naýryz, 2020

A.Aımaǵambetov ata-analarǵa hat joldady

144 retkórsetildi

Bilim jáne ǵylym mınıstri Ashat Aımaǵambetov elimizdegi barlyq ata-anaǵa hat joldady. Ol óz sózin oqýshylardyń kóktemgi kanıkýly 16 naýryzda bastalǵanyn jáne qazir ata-analardyń basym bóligi úıde bolǵandyqtan balalarǵa 21 kúnge sozylatyn demalysty qyzyqty ári paıdaly ótkizýge kómektese alatynyn eske salýdan bastaǵan.

Osydan keıingi mınıstrdiń haty bylaı órbigen: 

Meniń ulym – tórtinshi synyp oqýshysy. О́zi kitap oqyǵandy jaqsy kóredi. Mysaly, oqý jyly bastalǵaly «Robınzon Krýzo», «Tom Soıerdiń bastan keshken oqıǵalary», «Meniń atym – Qoja», «Kóshpendiler» trılogııasy kitaptaryn birge oqyp shyqtyq. Súıikti kitabymyz – «Kapıtan Granttyń balalary». Sondaı-aq ejelgi grek jáne mysyr mıfteri men ańyzdaryn qyzyǵa oqydyq.

Ata-analardyń balalardy kitap oqýǵa baýlyǵany óte mańyzdy. Eger bala sizdiń kitap oqyp otyrǵanyńyzdy jıi baıqaıtyn bolsa, ózi de qolyna kitap alady.  

Maǵan bala kezimde ǵylymı fantastıka janrynda jazylǵan týyndylar unaıtyn. Aızek Azımovtyń, Reı Bredberıdiń, aǵaıyndy Strýgaskıılerdiń, Klıfford Saımaktyń, Robert Haınlaınnyń eńbekteri qııalymdy oıatatyn. Osy avtorlardyń týyndylaryn oqyp, kúni boıy hıkaıalardyń mazmunyn oılap júrýshi edim.

Osylaısha, eseıe kele, ǵylymı ádebıetterge degen qyzyǵýshylyǵym artty. Sondyqtan, balalardy osy janrǵa baýlý óte mańyzdy dep oılaımyn. Bala kúnde oqyǵan súıikti týyndylaryńyzdy balalaryńyzǵa usynyp kórińizder. Eń bastysy, bala úıde kitapty neǵurlym kóp oqysa, mektep baǵdarlamasyn soǵurlym jeńil meńgeretinin umytpańyzdar.

Kitap oqýdan bólek, otbasymen tanymdyq vıdeolardy qaraýǵa bolady. Mysaly, vıdeosabaqtardy, trenıngter men ǵylymı tájirıbelerdi, TED-konferensııalaryn jáne t.b. Mınıstrliktiń saıtynan bilim berý resýrstarynyń tizimin taba alasyzdar. Aıtpaqshy, qazirgi kezeńde bilim berýge baǵyttalǵan saıttardy paıdalaný barysynda trafık eseptelmeıdi, ıaǵnı tegin bolady. Ol úshin biz ınternet provaıderlerimen kelisim ornattyq. Bul qosymsha bilim berý ortalyqtary, kýrstar men seksııalar jumysyn toqtatqan kezeńde óte yńǵaıly bolmaq. Sondaı-aq bul – balalardy onlaın-formatta bilim alýǵa ıkemdeýge jaqsy múmkindik, bolashaqta paıdasy tıetini de sózsiz.

Ata-analardyń basym bóligi kanıkýl aıaqtalǵan soń, oqý prosesi qalaı uıymdastyrylatynyn ýaıymdaýda ekenin bilemin. Qazirgi ýaqytta oqýdy qashyqtan júrgizýge kómektesetin aqparattyq júıelerdi daıyndap, testileýdemiz. Keıbir sabaqtardy telearnalar arqyly ótkizýge bolady. Bul format bizdiń oqýshylar men ustazdar úshin úırenshikti emes, sondyqtan pedagogterdiń jumysyna túsinistikpen jáne qurmetpen qaraýlaryńyzdy suraımyn. Olar oqýshylaryn saǵyndy jáne mektepke keler sátin asyǵa kútip júr.

Bul – mınıstrdiń emes, jaǵdaıǵa baılanysty balalarymyzda kenetten paıda bolǵan bos ýaqytty tıimdi ótkizýdi jáne osy kezeń bizdi balalarymyzben jaqyndastyra túsýdi qalaıtyn ákeniń usynystary ǵana. Balapandarymyzdyń baqytty bolýy biz ben sizge tikeleı baılanysty.
О́zińiz ben jaqyndaryńyz aman bolǵaı!


Izgi nıetpen,
Ashat Aımaǵambetov

Eskertý: foto mınıstrdiń feısbýktegi resmı paraqshasynan alyndy. 

 

Sońǵy jańalyqtar

Memleket qoldaýy eńse kótertti

Aımaqtar • Búgin, 13:25

Qyzylorda: Naýqastardyń jaǵdaıy qalypty

Koronavırýs • Búgin, 13:21

«Barysqa» daýys bereıik!

Sport • Búgin, 13:15

Almatyda indet oshaǵy qaıta kóbeıdi

Aımaqtar • Búgin, 13:15

Sý tasqynyna qarsy áreketter bastaldy

Aımaqtar • Búgin, 13:00

Juqpaly aýrýlar jaıly jaýhar fılmder

Rýhanııat • Búgin, 12:50

Almatyda onlaın jattyǵý ótedi

Sport • Búgin, 11:51

Jalǵan aqparat taratqan muǵalim ustaldy

Koronavırýs • Búgin, 11:45

Túrkistan: Kásipkerlerdiń kómegi kóp

Aımaqtar • Búgin, 11:13

Naýqastyń jeke deregin kim taratty?

Aımaqtar • Búgin, 10:59

Aqyn Amanhan Álimuly dúnıeden ótti

Rýhanııat • Búgin, 10:53

Qaıyrymdylyq aksııasynyń aýqymy keń

Aımaqtar • Búgin, 09:40

Shekteý sharalary qatań saqtalýy tıis

Koronavırýs • Búgin, 09:18

Meıirlannyń músinderi

Rýhanııat • Búgin, 08:05

Memleket basshysynyń qamqorlyǵy

Qoǵam • Búgin, 07:50

Kúı qudireti

Rýhanııat • Búgin, 07:43

Daýys galereıasy

Rýhanııat • Búgin, 07:39

Aq jeleńdilerge alǵys aıtty

Rýhanııat • Búgin, 07:35

El áńgimelerin ekshegen

Rýhanııat • Búgin, 07:28

Tórt túlik kóbeıse, toqshylyq keledi

Ekonomıka • Búgin, 07:26

Tarıhta qalǵan indetter

Tarıh • Búgin, 07:22

Nesıe tóleýdi toqtata turý tártibi

Ekonomıka • Búgin, 07:21

Uqsas jańalyqtar