Tekserister barysynda SQO-da Ákimshilik quqyq buzýshylyq týraly kodeksin buzýdyń 25 faktisi anyqtaldy. Sonyń ishinde jergilikti polısııa qyzmetkerleri Petropavlda sońǵy táýlik ishinde kompıýterlik klýbtardyń biriniń saǵat 22.00-den keıin jumys isteýiniń bir faktisin anyqtady. Onyń ıesine qatysty ákimshilik hattama toltyryldy. Buzýshylyqtarǵa aıyppul salý nemese 15 táýlikke deıin ákimshilik qamaqqa alý túrindegi jaza kózdelgen.
Demalys kúnderi oblys ortalyǵynda barlyǵy TJ rejimin buzýdyń 8 faktisi tirkeldi, onyń 7-i - dámhana ıeleri tarapynan bolǵan. Aýdan ortalyqtarynda da TJ rejimin buzýǵa jol berilgen. Máselen, Ýálıhanov aýdanynyń Kishkenekól aýylynda saǵat 22-den keıin kelýshileri bolǵan dámhana ıesine qatysty ákimshilik materıal jınaldy. Kásipkerdiń qandaı jazaǵa tartylatynyn sot sheshetin bolady.
"TJ rejiminiń kózdeıtin basty maqsaty - koronavırýstyq ınfeksııanyń taralýyna tosqaýyl bolý maqsatyndaǵy qaǵıdalardy saqtaý. Adamdar mundaı shekteýlerge túsinistikpen qaraýy tıis, bul, birinshi kezekte, azamattardyń ózderiniń qaýipsizdigi úshin qajet. Sondyqtan ony múltiksiz saqtaýǵa shaqyramyz" deıdi SQO PD bastyǵynyń birinshi orynbasary, polısııa polkovnıgi Qanat Aıtbaev.
Soltústik Qazaqstan oblysy
