Qoǵam • 25 Naýryz, 2020

«Birgemiz» Qoǵamdyq qorynyń negizgi 10 qaǵıdaty anyqtaldy

45 ret kórsetildi

Elbasy, Nur Otan partııasynyń Lıderi Nursultan Nazarbaevtyń bastamasymen qurylǵan «Birgemiz» Qoǵamdyq qorynyń Qamqorshylar keńesi otyrysynyń 2020 jylǵy 23 naýryzdaǵy № 3 hattamasymen koronavırýsqa qarsy kúres jaǵdaıynda muqtaj jandarǵa qoldaý kórsetýdi uıymdastyrýda basshylyqqa alynatyn negizgi 10 qaǵıdat bekitildi.

1. Erikti jarnalar men qaıyrmaldyq kómek. Barlyq qaıyrymdylyqty bıznes ókilderi tek jeke qarajaty esebinen erikti túrde jasaıdy. Bıýdjettik uıymdardan, sondaı-aq jalaqydan aýdarymdar qabyldanbaıdy.

2. Adrestilik. Tikeleı jeke qoldaý halyqtyń áleýmettik álsiz toptaryna (jasyna baılanysty COVID-19 juqtyrý qaýpi joǵary jandarǵa, koronavırýstyń zardabyn shekken jáne áleýmettik-ekonomıkalyq qıyndyqtarǵa ushyraǵan turmysy tómen qazaqstandyqtarǵa) kórsetiledi. Sanattar naqtylanýda. Kómek eldiń indet juqtyrý qaýpi joǵary iri qalalarynyń turǵyndaryna beriledi.

3. Kómektiń ádildigi. Kómek alýshylardyń tizimin anyqtaýda sýbektıvti paıymdaýlar men daýlardy boldyrmaý úshin Qor zańnama talaptaryna jáne memlekettik organdardyń (mınıstrlikter men ákimdikterdiń) resmı derekterine súıenedi.

4. Qolma-qolsyz jáne baılanyssyz kómek. Barlyq tólemder, tranzaksııalar, esep aıyrysýlar tek qolma-qol aqshasyz úlgide júzege asyrylady, bul qarjy jumsalymdarynyń ashyqtyǵy men aıqyndyǵyn qamtamasyz etedi.

5. Qor qyzmetiniń ýaqyt boıynsha shektelýi. Qordyń qyzmeti ınfeksııanyń taralýyna baılanysty eldegi tótenshe jaǵdaıdyń uzaqtyǵymen shekteledi.

6. Qor qarajatynyń maqsatty jumsalýy. Ákimshilik, uıymdastyrýshylyq shyǵystary «Nur Otan» partııasynyń qaıtarymsyz kómegi esebinen óteledi.

7. Únemdilik jáne tıimdilik. Áleýmettik jáne gıgıenalyq paketterge salynatyn taýarlar básekelik negizde taýardyń sapasy men qunynyń ońtaıly qatynasy eskerile otyryp satyp alynady.

8. Qazaqstandyq óndirýshilerdi qoldaý. Áleýmettik paketterdi jasaý úshin taýarlar, Qazaqstanda jasalmaıtyn taýarlardy qospaǵanda, tek qazaqstandyq óndirýshilerden satyp alynady.

9. Qordyń qarajaty men memlekettik bıýdjet arasynyń naqty ajyratylýy. Kómek zattaı áleýmettik paketter (azyq-túlik sebeti), qorǵanys quraldary (antıseptıkter, maskalar, qolǵaptar), qolma-qol aqshasyz tólemder túrinde kórsetiledi. Memlekettik bıýdjetten tólenetin qajettilikter qarjylandyrylmaıdy.

10. Qordyń ashyq, aıqyn qyzmeti. Qor qyzmetiniń ashyqtyǵy men aıqyndyǵy Qordyń Basqarmasynan jaýapty tulǵanyń kúndelikti brıfıng ótkizip, tolyqandy aqparatty berýi, túsken qarjy men kórsetilgen kómek týraly esepterdi turaqty túrde jarııalaıtyn arnaıy saıt qurý arqyly qamtamasyz etiledi.

Sonymen qatar Qoǵamdyq qorda uıym qyzmetiniń óz jarǵylyq maqsattaryna sáıkestigin baqylaýdy quramyna belgili qoǵam jáne memleket qaıratkerleri, azamattyq qoǵam ókilderi men jastar kiretin Qamqorshylar keńesi júzege asyratyny atalyp ótti. Qarajattyń jumsalýyn Tekserý komıssııasy baqylaıdy.

Sońǵy jańalyqtar

Elik atqan brakoner ustaldy

Aımaqtar • Búgin, 19:34

Ulttyq mýzeıde "Strıt-art" perfomansy ótti

Rýhanııat • Búgin, 18:49

2 mlrd túp aǵash qalaı otyrǵyzylady

Ekologııa • Búgin, 18:18

Rıdder qalasynyń jańa ákimi taǵaıyndaldy

Taǵaıyndaý • Búgin, 16:48

Bastaýdaǵy bereke

Aımaqtar • Búgin, 15:48

Qumdaǵy turaq qazanda qazylady

Aımaqtar • Búgin, 15:08

Tutastyqtyń tuǵyr dińi

Aımaqtar • Búgin, 14:57

"Damýmen" birge damıdy

Aımaqtar • Búgin, 13:30

Eldiktiń jampoz jyrshysy

Rýhanııat • Búgin, 12:35

Uqsas jańalyqtar